തോമസ് ചാണ്ടിയുടെ രാജി വീണ്ടും നീളുന്നു. മന്ത്രി സഭാ യോഗത്തില്‍ രാജിക്കാര്യം ചര്‍ച്ച ചെയ്തില്ലെന്ന് മുഖ്യമന്ത്രി സിപിഐ മന്ത്രിമാര്‍ പങ്കെടുക്കാത്തതില്‍ നീരസവും രേഖപ്പെടുത്തി കാത്തിരുന്ന പത്ര സമ്മേളനത്തില്‍ രാജി തീരുമാനം മുഖ്യമന്ത്രി വ്യക്തമാക്കി.

സി.പി.ഐ മന്ത്രിമാര്‍ മന്ത്രിസഭാ യോഗത്തില്‍ നിന്ന് വിട്ടുനിന്നതിലുള്ള അതൃപ്തി പരസ്യമാക്കി മുഖ്യമന്ത്രി പിണറായി വിജയന്‍ രംഗത്ത്. സി.പി.ഐയുടെ നാല് മന്ത്രിമാര്‍ യോഗത്തില്‍ പങ്കെടുക്കാതിരുന്നത് അസാധാരണ സംഭവമാണെന്ന് മുഖ്യമന്ത്രി വാര്‍ത്താസമ്മേളനത്തില്‍ പറഞ്ഞു. മന്ത്രി തോമസ് ചാണ്ടി മന്ത്രിസഭാ യോഗത്തില്‍ പങ്കെടുക്കുന്നുണ്ടെങ്കില്‍ തങ്ങളുടെ മന്ത്രിമാര്‍ ആരും തന്നെ യോഗത്തില്‍ പങ്കെടുക്കില്ലെന്ന് അറിയിച്ചു കൊണ്ട് സി.പി.ഐ കത്ത് നല്‍കിയിരുന്നുവെന്നും അദ്ദേഹം വെളിപ്പെടുത്തി.

മന്ത്രിസഭായോഗത്തില്‍ ഒരു കാരണവശാലും സംഭവിക്കാന്‍ പാടില്ലാത്ത കാര്യമാണ് നടന്നത്. എന്തെങ്കിലും പ്രശ്‌നങ്ങളുണ്ടെങ്കില്‍ അത് ചര്‍ച്ച ചെയ്യാന്‍ കൂടിയാണ് മന്ത്രിസഭ ചേരുന്നത്. അങ്ങനെയൊരു സാഹചര്യത്തില്‍ സി.പി.ഐ മന്ത്രിമാര്‍ പങ്കെടുക്കാതിരുന്നത് ഗൗരവകരമാണ് മുഖ്യമന്ത്രി പറഞ്ഞു.