ആനക്കൊമ്പ് കടത്തിയ നാല് തമിഴ്‌നാട് സ്വദേശികളെ വനപാലകര്‍ പിടികൂടി. തൂത്തുക്കുടി ത്രസ്പുരം സ്വദേശി ആരോണ്‍ രാജേഷ് (26), തൂത്തുക്കുടി അണ്ണാനഗര്‍ സ്വദേശി ആര്‍. ചുടലമണി (24), ഇ. വിഘ്‌നേശ്വരന്‍ (24), കായല്‍ പട്ടണം പരിമള്‍ സ്ട്രീറ്റ് സ്വദേശി മുഹമ്മദ് ഇസ്മായില്‍ (47) എന്നിവരെയാണ് പാലോട് വനംറെയിഞ്ച് ഓഫീസര്‍ ടി.രതീഷിന്റെ നേതൃത്വത്തില്‍ പിടികൂടിയത്.

വനംവകുപ്പ് ഇന്റലിജന്‍സ് വിഭാഗത്തിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ ആനയറ കിംസ് ആശുപത്രി സമീപത്ത് നിന്നാണ് 20 കിലോ ഭാരമുള്ള രണ്ട് ആനക്കൊമ്പുകളും ആഢംബര ജീപ്പുമായി പ്രതികളെ പിടികൂടിയത്.

സംഘത്തിലെ മറ്റ് പ്രതികള്‍ക്കായുള്ള തെരച്ചില്‍ തുടങ്ങി. പ്രബേഷന്‍ റെയ്ഞ്ചര്‍ ജിയോ ബേസില്‍ , ഡെപ്യൂട്ടി റെയിഞ്ചര്‍ അജികുമാര്‍ എന്നിവര്‍ സംഘത്തിലുണ്ടായിരുന്നു. പ്രതികളെ റിമാന്‍ഡ് ചെയ്തു.