കേരളത്തെ നടുക്കിയ സംഭവമായിരുന്നു ഇന്നലെ പാതിരാത്രിയില്‍ തിരുവനന്തപുരത്ത് ഉണ്ടായത്. ഒരു യുവാവ് മൂന്ന് യുവതികള്‍ക്കൊപ്പം സഞ്ചരിച്ച കാര്‍ കവിടിയാര്‍ ഭാഗത്ത് മത്സരഓട്ടത്തിനിടെ ഓട്ടോറിക്ഷയെ ഇടിച്ചു തെറിപ്പിച്ച് കോണ്‍ഗ്രീറ്റ് തൂണിനെ ഇടിച്ച് മരത്തില്‍ ഇടിച്ച് നില്‍ക്കുകയായിരുന്നു. അതില്‍ സഞ്ചരിച്ച യുവാവ് മരണമടയുകയും മൂന്ന് യുവതികള്‍ക്ക് ഗുരുതരമായി പരിക്കേല്‍ക്കുകയും ചെയ്തിരുന്നു. ഈ സംഭവത്തെകുറിച്ച് ദുരൂഹതയോറുകയാണ്. മത്സരഓട്ടോത്തില്‍ കൂടെയുണ്ടായിരുന്ന വേറൊരു കാറിനെപ്പറ്റി ഏതൊരു വിവരവും ഇല്ല. പലതരം കഥകളാണ് സോഷ്യല്‍ മീഡിയയില്‍ പ്രചരിക്കുന്നത്. 

അതേസമയം അപകടത്തില്‍ പെട്ട് മരിച്ച ആദര്‍ശും മറ്റ് പെണ്‍കുട്ടികളും സഹപാടികളായിരുന്നു. തിരുവനന്തപുരത്തെ കോളേജ് ഓഫ് ആര്‍ക്കിടെകിലെ വിദ്യാര്‍ത്ഥിനിയായിരുന്നു ഒരാള്‍. ഇരുവരും സെന്റ് തോമസ് സ്‌കൂളില്‍ പഠിച്ചിരുന്നു. അപകടത്തില്‍പ്പെട്ട മറ്റ് യുവതികളും ഇതേ കോളേജിലെ വിദ്യാര്‍ത്ഥിനികളായിരുന്നുവെന്നാണ് സൂചന. തിരുവനന്തപുരത്തെ പ്രമുഖ വ്യവസായിയുടെ മകളാണ് ഒരു പെണ്‍കുട്ടി.

ബെന്‍സ് കാറുമായി മത്സരയോട്ടത്തിലായിരുന്നു ആദര്‍ശിന്റെ വാഹനമെന്നാണ് പുറത്തുവരുന്ന സൂചന. അമിത വേഗതയില്‍ പാഞ്ഞു വന്ന കാര്‍ ഓട്ടോയില്‍ തട്ടി നിയന്ത്രണം വിട്ടു. ഇലക്ട്രിക് പോസ്റ്റില്‍ ഇടിച്ചു. അല്ലായിരുന്നുവെങ്കില്‍ തൊട്ടടുത്ത കഫേ കോഫി ഡേ എന്ന കടയിലേക്ക് ഇടിച്ചു കയറുമായിരുന്നുവെന്നാണ് പുറത്തുവരുന്ന സൂചന. രാത്രിയിലും കടയ്ക്ക് പുറത്ത് നിരവധി പേര്‍ നില്‍ക്കുന്നുണ്ടായിരുന്നു.
പോസ്റ്റില്ലായിരുന്നുവെങ്കില്‍ അപടകത്തിന്റെ ആഘാതം കൂടുമായിരുന്നു. ഈ കാറിനൊപ്പം മിന്നി പാഞ്ഞ ബെന്‍സിനെ കുറിച്ച് ആര്‍ക്കും വിവരമില്ല. രാജ് ഭവനും മന്ത്രി മന്ത്രിരങ്ങളുമുള്ള രാജവീഥിയിലെ സിസിടിവി ക്യാമറകള്‍ പ്രവര്‍ത്തന രഹിതമായിരുന്നുവെന്നാണ് പുറത്തുവരുന്ന സൂചന. അതുകൊണ്ട് തന്നെ കാറിന്റെ നമ്പര്‍ കണ്ടെത്താനും കഴിയുന്നില്ല.
അപകടമുണ്ടായാലും അതിനെ തരണം ചെയ്യാനുള്ള അത്യാധുനിക സംവിധാനമുള്ള കാറിലായിരുന്നു ആദര്‍ശിന്റെ യാത്ര. പുത്തന്‍ ആഡംബര സ്‌കോഡ ഒക്ടാവിയ കാറാണ് അപകടത്തില്‍പ്പെട്ടത്. കഴിഞ്ഞദിവസം എറണാകുളത്ത് താത്കാലിക രജിസ്ട്രഷന്‍ നടത്തി റോഡിലിറക്കിയതാണ് കാര്‍. സീറ്റ് ബെല്‍റ്റ് അദര്‍ശ് ഇട്ടിരുന്നില്ലെന്നാണ് സൂചന. അതാണ് ആദര്‍ശിന്റെ ജീവനെടുക്കാന്‍ കാരണമെന്നാണ് പ്രാഥമിക വലിയിരുത്തല്‍.

കാറിലുണ്ടായിരുന്ന യുവതികളില്‍ മുന്നിലുണ്ടായിരുന്ന ആള്‍ സീറ്റ് ബെല്‍റ്റ് ധരിച്ചിരുന്നു. അതുകൊണ്ട് മാത്രം ഗുരുതര പരിക്ക് ഈ കുട്ടിക്കുണ്ടായില്ല. കാറിലുണ്ടായിരുന്ന പെണ്‍കുട്ടികളെ പൊലീസെത്തി പുറത്തെടുത്തെങ്കിലും ഡ്രൈവര്‍ സീറ്റിലുണ്ടായിരുന്ന ആദര്‍ശ് കാറിനുള്ളില്‍ കുടുങ്ങിപ്പോയി. ഒടുവില്‍ ഫയര്‍ഫോഴ്‌സെത്തി കാര്‍ വെട്ടിപ്പൊളിച്ചാണ് ആദര്‍ശിനെ പുറത്തെടുത്തത്.

കാറുമായി മത്സരിച്ചോടിയ ബെന്‍സ് ഇതിനകം വേഗത്തില്‍ ഓടിച്ചുപോയിരുന്നു. ഇത് കണ്ടെത്താന്‍ പൊലീസ് ഒരു നടപടിയും എടുത്തതുമില്ല. തലസ്ഥാനത്തെ വമ്പന്‍ ബിസിനസ്സുകാരുടെ ആരെങ്കിലുമാകാം കാര്‍ ഓടിച്ചിരുന്നതെന്നാണ് സൂചന. അതുകൊണ്ടാണ് പൊലീസ് അന്വേഷണം വഴി തെറ്റുന്നതെന്നാണ് സൂചന.
താത്കാലിക രജിസ്‌ട്രേഷനിലുള്ള കാര്‍ അമിതവേഗതയിലെത്തി ഓട്ടോയില്‍ ഇടിച്ച് നിയന്ത്രണം വിട്ട് വൈദ്യുതി പോസ്റ്റിലുമിടിച്ച് തലകീഴായി മറിയുകയായിരുന്നു. രണ്ട് കാറുകള്‍ മത്സരിച്ച് ഓടുന്നതിനിടെയാണ് അപകടം എന്നാണ് സംഭവ സ്ഥലത്തുണ്ടായിരുന്നവര്‍ പറയുന്നത്. വഴിയരികില്‍ പാര്‍ക്ക് ചെയ്തിരുന്ന ഓട്ടോയിലാണ് കാര്‍ ആദ്യം ഇടിച്ചത്. ഓട്ടോ റിക്ഷ ഡ്രൈവറായ ശശികുമാറിനും അപകടത്തില്‍ പരിക്കേറ്റിട്ടുണ്ട്.

കാര്‍ പൂര്‍ണമായും തകര്‍ന്നു. ഈ ഭാഗത്ത് കാറുകളുടെയും ബൈക്കുകളുടെയും മത്സര ഓട്ടം പതിവായിരുന്നു. ഇതിനെതിരെ പരാതി ഉയരുകയും നിരീക്ഷണം ശക്തമാക്കുകയും ചെയ്തതോടെ മത്സരയോട്ടം കുറച്ച് കാലമായി ഉണ്ടായിരുന്നില്ല. എന്നാല്‍ വീണ്ടും ഇത് സജീവമായി. ആഡംബരക്കാറുകളില്‍ ചീറിപായുന്നത് വലിയ വീട്ടിലെ കുട്ടികളായിരുന്നു. അതുകൊണ്ട് തന്നെ പൊലീസ് എല്ലാത്തിനും മൗനാനുവാദം നല്‍കി.

ഇതിനിടെയാണ് വെള്ളയമ്പലം മുതല്‍ കവടിയാര്‍ വരെയുള്ള സിസിടിവികള്‍ പ്രവര്‍ത്തന രഹിതമാണെന്ന സൂചനകള്‍ വരുന്നതും. ഗവര്‍ണ്ണറുടെ ഔദ്യോഗികവസതിയിലേക്കുള്ള പ്രധാന റോഡാണിത്. നിരവധി മന്ത്രിമന്ദിരങ്ങളുണ്ട്. ഇവിടെയാണ് അപകടകരമായ രീതിയില്‍ കാറുകള്‍ ചീറിപായുന്നത്.