കാട്ടാക്കടയില് ഡിവൈഎഫ്ഐ നേതാവിന്റെ വീടിനു നേരെ ബോംബേറ്
തിരുവനന്തപുരത്ത് അര്ധരാത്രിയില് ഡിവൈഎഫ്ഐ ജില്ലാ സെക്രട്ടറിയുടെ വീടിനു നേരെ ബോംബേറ്. ഐ.സാജുവിന്റെ കിള്ളിയിലുള്ള വീടിനു നേരെയാണ് രാത്രി 11 ഓടെ ആക്രമണം നടന്നത്. ബൈക്കിലെത്തിയ സംഘമാണ് ആക്രമണത്തിനു പിന്നിലെന്ന് സാജു പറയുന്നു.
ആക്രമണത്തില് വീടിന്റെ മുന്വശത്തെ ജനല് ചില്ലുകള് തകര്ന്നു. കിടപ്പുമുറിക്കു നേരെയായിരുന്നു ആക്രമണം. കിള്ളിയില് സ്ഥാപിച്ചിരുന്ന സിപിഎമ്മിന്റെ ഫ്ലക്സ് ബോര്ഡുകള് വെള്ളിയാഴ്ച രാത്രി ഒരു സംഘം തകര്ത്തിരുന്നു. ഇതിനു പിന്നാലെയാണു ഡിവൈഎഫ്ഐ ജില്ലാ സെക്രട്ടറിയുടെ വീട്ടില് ആക്രമണം നടന്നത്.
ഐ.ബി.സതീഷ് എംഎല്എ, ഏരിയ സെക്രട്ടറി ജി.സ്റ്റീഫന് എന്നിവര് സ്ഥലം സന്ദര്ശിച്ചു. ആക്രമണത്തിനു പിന്നില് എസ്ഡിപിഐ പ്രവര്ത്തകരാണെന്നു സിപിഎം ആരോപിച്ചു. അടുത്തിടെ കിള്ളിയില് സിപിഎംഎസ്ഡിപിഐ പ്രവര്ത്തകര് തമ്മില് ആരോപണ പ്രത്യാരോപണങ്ങള് നടക്കുകയും എസ്ഡിപിഐ പ്രവര്ത്തകര് വെള്ളിയാഴ്ച സ്ഥലത്ത് പ്രകടനവും നടത്തിയിരുന്നു.
കാട്ടാക്കട പോലീസ് സ്ഥലത്തെത്തി പരിശോധന നടത്തി.
https://www.facebook.com/Malayalivartha
