രാജ്യം 78–ാം സ്വാതന്ത്ര്യദിനാഘോഷ നിറവിൽ. പ്രധാനമന്ത്രി നരേന്ദ്രമോദി ചെങ്കോട്ടയിലെത്തി പതാക ഉയർത്തി. തുടർന്ന് രാജ്യത്തെ അഭിസംബോധന ചെയ്യുന്നു. വികസിത ഭാരതം @2047 എന്നതാണ് ഈ വർഷത്തെ സ്വാതന്ത്ര്യദിനത്തിന്റെ പ്രമേയം. 6000 പേർ പ്രത്യേക അതിഥികളായി ചടങ്ങിൽ പങ്കെടുക്കുന്നു. യുവാക്കളും, വിദ്യാർഥികളും ഗോത്രവിഭാഗത്തിൽപ്പെട്ടവരും, കർഷകരും, സ്ത്രീകളുമെല്ലാം പ്രത്യേക അതിഥികളുടെ കൂട്ടത്തിലുണ്ട്. പാരിസ് ഒളിംപിക്സിൽ ഇന്ത്യയെ പ്രതിനിധീകരിച്ചവർക്കും ചടങ്ങിലുണ്ട്പ്രതിരോധ മന്ത്രി രാജ്‌നാഥ് സിങ്, സഹമന്ത്രി സഞ്ജയ് സേത്ത്, സംയുക്ത സൈനിക മേധാവി ജനറൽ അനിൽ ചൗഹാൻ, കരസേനാ മേധാവി ജനറൽ ഉപേന്ദ്ര ദ്വിവേദി, നാവികസേനാ മേധാവി അഡ്മിറൽ ദിനേശ് കെ. ത്രിപാഠി,

വ്യോമ സേനാ മേധാവി എയർ ചീഫ് മാർഷൽ വി.ആർ.ചൗധരി എന്നിവർ പ്രധാനമന്ത്രിയെ സ്വീകരിച്ചു. ജമ്മുവിലെ ഭീകരാക്രമണങ്ങളുെട പശ്ചാത്തലത്തിൽ കനത്ത സുരക്ഷയാണ് ഡൽഹിയിൽ ഒരുക്കിയിരിക്കുന്നത്.രാജ്യം സ്വാതന്ത്ര്യദിനാഘോഷത്തിലേക്ക് .രാജ്യതലസ്ഥാനമായ ഡൽഹി സൈനിക കോട്ടയായി മാറിയിരിക്കുകയാണ്. ആൻ്റി ഡ്രോൺ സംവിധാനമാണ് രാജധാനിയിൽ ഒരുക്കിയിരിക്കുന്നത്. ആർട്ടിഫിഷ്യൽ ഇന്റലിജൻസിന്റെ സഹായത്തോടെയാണ് സുരക്ഷസന്നാഹങ്ങൾ ഒരുക്കിയിരിക്കുന്നത്. ചെങ്കോട്ടയിൽ 7 ലെയർ സുരക്ഷാ സംവിധാനമാണ് സജ്ജമാക്കിയിരിക്കുന്നത്.22,000 ത്തോളം വരുന്ന അതിഥികളുടെ സുരക്ഷയ്‌ക്കായി ശക്തമായ സുരക്ഷാ ക്രമീകരണങ്ങളാണ് ഏർപ്പെടുത്തിയിരിക്കുന്നത്. ഡൽഹിയിലെ എല്ലാ റോഡുകളിലും എല്ലാ മാർക്കറ്റുകളിലും സുരക്ഷാ ഏജൻസികൾ കർശന നിരീക്ഷണം നടത്തുന്നുണ്ട്.

അനുവാദമില്ലാതെ ആർക്കും പ്രവേശിക്കാനാകാത്ത തരത്തിലാണ് ചെങ്കോട്ടയ്‌ക്ക് ചുറ്റും അഭേദ്യമായ സുരക്ഷാ വലയം ഒരുക്കിയിരിക്കുന്നത്. ഡൽഹി പോലീസിന് പുറമെ അർദ്ധസൈനിക വിഭാഗങ്ങളും സുരക്ഷാ ഏജൻസികളും ചെങ്കോട്ടയുടെ അകത്തും പുറത്തുമുള്ള എല്ലാ ഭാഗത്തും നിരീക്ഷണത്തിലാണ്.ചെങ്കോട്ടയ്‌ക്കുള്ളിൽ ഏകദേശം 4 ഡ്രോൺ വിരുദ്ധ സംവിധാനങ്ങൾ വിന്യസിച്ചിട്ടുണ്ട് . ചുറ്റുമുള്ള വിവിധ സ്ഥലങ്ങളിൽ എൻഎസ്ജി സംഘത്തെയും വിന്യസിച്ചു. ചാന്ദ്‌നി ചൗക്കിന്റെ 300 ഓളം മേൽക്കൂരകളിൽ സ്‌നൈപ്പർമാരുമുണ്ട്. ചെങ്കോട്ടയുടെ 5 കിലോമീറ്റർ ചുറ്റളവിൽ സിസിടിവി നിരീക്ഷണം ഏർപ്പെടുത്തി . വിവിഐപി റൂട്ടിൽ AI സാങ്കേതികവിദ്യ ഘടിപ്പിച്ച 500-ലധികം ക്യാമറകൾ സ്ഥാപിച്ചിട്ടുണ്ട് .

എല്ലാ മെറ്റൽ ഡിറ്റക്ടറുകളിലും ഫെയ്സ് ഡിറ്റൻഷൻ ക്യാമറകൾ സ്ഥാപിച്ചിട്ടുണ്ട്.ഇൻ്റലിജൻസ് ഏജൻസികൾ, ഡൽഹി പൊലീസ് കമാൻഡോകൾ, പാരാ മിലിട്ടറി കമാൻഡോകൾ എന്നിവരും സദാ ജാഗരൂകരാണ്.ഇത്തവണയും തീവ്രവാദി ആക്രമണത്തെക്കുറിച്ച് രഹസ്യാന്വേഷണ ഏജൻസികൾ സൂചനകൾ നൽകിയിട്ടുണ്ട്. ചാവേർ ആക്രമണമോ ഡ്രോൺ ആക്രമണമോ ഉണ്ടായേക്കാമെന്നാണ് സൂചനസ്വാതന്ത്ര്യസമര സേനാനികളെ അനുസ്മരിച്ച് കൊണ്ടാണ് പ്രധാനമന്ത്രി പ്രസംഗം തുടങ്ങിയത്.