ജഡ്ജിയെ ട്രോളിയവർക്ക് കിട്ടിയ എട്ടിന്റെ പണി...
മദ്രാസ് ഹൈക്കോടതി ജസ്റ്റിസ് എന്.കൃപാകരനെ സമൂഹമാധ്യമത്തില് പരിഹസിച്ച സര്ക്കാര് ഉദ്യോഗസ്ഥനും സംഘടനാ നേതാവുമായ സുഭാഷ് ചന്ദ്രബോസ്, തിരുനെല് വേലി പാളയംകൊട്ടെ തിരുമല് നഗറില് മുരുകന് എന്നിവരെ പോലീസ് അറസ്റ്റ്ചെയ്തു. അപകീര്ത്തിപ്പെടുത്തല്, ദുരുദ്ദേശ്യത്തോടെ അഭ്യൂഹം പരത്തല്, പൊതുസേവകന്റെ ഉത്തരവ് മോശമായി ചിത്രീകരിക്കല് തുടങ്ങിയ വകുപ്പുകള് പ്രകാരമാണ് കേസെടുത്തിരിക്കുന്നത്.
ശമ്പളം പരിഷ്കരിക്കുക, പങ്കാളിത്ത പെന്ഷന് പദ്ധതി നിര്ത്തലാക്കുക തുടങ്ങിയ ആവശ്യങ്ങളുന്നയിച്ച് സര്ക്കാര് ജീവനക്കാര് സമരം ചെയ്തിരുന്നു. സംസ്ഥാനത്തെ 22 മെഡിക്കല് കോളേജുകളില് ഈ വര്ഷം എംഎബിഎസില് സര്ക്കാര് സ്കൂളില് നിന്നുള്ള അഞ്ച് വിദ്യാര്ത്ഥികള്ക്ക് മാത്രം പ്രവേശനം ലഭിച്ചത് അധ്യാപകരുടെ മികവിന്റെ തെളിവാണെന്നും ജഡ്ജി കൃപാകരന് പരിഹസിക്കുകയും ജസ്റ്റിസ് സമരം നിര്ത്തിവയ്ക്കണമെന്നും ആവശ്യപ്പെടും ചെയ്തിരുന്നു.
ഇതിനെത്തുടർന്ന് അധ്യാപകരും സര്ക്കാര് ജീവനക്കാരും സമൂഹമാധ്യമങ്ങളില് അദ്ദേഹത്തെ രൂക്ഷമായി വിമർശിച്ചു. കോടതി പരാമര്ശത്തെ സമൂഹമാധ്യമങ്ങളില് പരിഹസിക്കുന്ന വിവരം കഴിഞ്ഞ ദിവസം അഭിഭാഷകന് കോടതിയുടെ ശ്രദ്ധയില്പ്പെടുത്തുകയും തുടർന്ന് കുറ്റകരമായ വിമര്ശനം നടത്തുന്നവരുടെ വിശദാംശങ്ങള് ഹാജരാക്കാന് കോടതി നിര്ദേശിക്കുകയും ചെയ്തു.
https://www.facebook.com/Malayalivartha
