കേന്ദ്ര സർക്കാർ ഡോക്ടർമാരുടെ വിരമിക്കൽ പ്രായം 65 വയസാക്കി ഉയർത്തി. കേന്ദ്രമന്ത്രി രവിശങ്കർ പ്രസാദാണ് ഇക്കാര്യം അറിയിച്ചത്. നിലവിൽ ഡോക്ടർമാർക്കു വിരമിക്കൽ പ്രായം 60 വയസായിരുന്നു. ഈ വർഷം ജൂലൈയിൽ സിആർപിഎഫ്, ബിഎസ്എഫ് എന്നി മേഖലകളിൽ പ്രവർത്തിച്ചിരുന്ന മെഡിക്കൽ ഉദ്യോഗസ്ഥരുടെ വിരമിക്കൽ പ്രായം 65ലേക്ക് ഉയർത്തിയിരുന്നു.

രാജ്യവ്യാപകമായി സർക്കാർ ഡോക്ടർമാരുടെ വിരമിക്കൽ പ്രായം ഉയർത്തുമെന്ന് പ്രധാനമന്ത്രി നേരത്തെ അറിയിച്ചിരുന്നു. ഡോക്ടർമാരുടെ ക്ഷാമം പരിഹരിക്കുന്നതിന്‍റെ ഭാഗമായാണ് നടപടിയെന്നും അദ്ദേഹം പറഞ്ഞിരുന്നു.