ദുബൈ വിമാനത്താവളത്തിൽ ഗതാഗത നിയന്ത്രണം ഏർപ്പെടുത്തി, ടെർമിനൽ ഒന്നിൽ അറൈവല് ഭാഗത്തേക്ക് ഇനി മുതല് പൊതുഗതാഗത സംവിധാനങ്ങള്ക്കും അംഗീകൃത വാഹനങ്ങള്ക്കും മാത്രം പ്രവേശനം
ലോകത്തിലെ ഏറ്റവും തിരക്കേറിയ വിമാനത്താവളം ദുബൈ വിമാനത്താവളം ആണ്. വരുന്നവരും മടങ്ങുന്നവരുമായി നിരവധിപേരാണ് ദിനംപ്രതി വിമാനത്താവളം വഴി യാത്ര ചെയ്യുന്നത്. യാത്രക്കാർക്ക് ഇപ്പോൾ തലവേദനയായിരിക്കുകയാണ് അധികൃതരുടെ നടപടി. ദുബൈ വിമാനത്താവളം ടെർമിനൽ ഒന്നിൽ ഗതാഗത നിയന്ത്രണം ഏർപ്പെടുത്തിയിരിക്കുകയാണ്. ഇതുപ്രകാരം ഇനി മുതൽ സ്വകാര്യ വാഹനങ്ങൾക്ക് പ്രവേശനം അനുവദിക്കില്ല.ഒന്നാം ടെര്മിനലിലെ അറൈവല് ഭാഗത്തേക്ക് ഇനി മുതല് പൊതുഗതാഗത സംവിധാനങ്ങള്ക്കും അംഗീകൃത വാഹനങ്ങള്ക്കും മാത്രമേ പ്രവേശനം അനുവദിക്കൂ.
യാത്രക്കാരെ സ്വീകരിക്കാൻ എത്തുന്ന വാഹനങ്ങൾ പണമടച്ചുള്ള പാർക്കിങ് സൗകര്യങ്ങൾ ഉപയോഗിക്കണമെന്ന് വിമാനത്താവള അധികൃതർ അറിയിച്ചരിക്കുന്നത്. ടെർമിനൽ ഒന്നിൽ നിന്നും മൂന്ന് മിനിറ്റ് നടന്നാൽ എത്തിച്ചേരാവുന്ന കാർ പാർക്ക് എ-പ്രീമിയം, ഏഴ് മിനിറ്റ് നടന്നാൽ എത്തിച്ചേരാവുന്ന കാർ പാർക്ക് ബി-ഇക്കോണമി എന്നിവയിലേതെങ്കിലും വിമാനത്താവളത്തിലെത്തുന്നവർക്ക് ഉപയോഗിക്കാം. സ്കൂൾ അവധിക്കാലവും ബലിപെരുന്നാൾ അവധിയും എത്തുന്ന സാഹചര്യത്തിൽ തിരക്ക് കുറക്കാൻ ലക്ഷ്യമിട്ടാണ് പുതിയ നിയന്ത്രണം എന്നാണ് റിപ്പോർട്ടുകൾ.
ഒന്നാം ടെര്മിനലില് കാര് പാര്ക്കിങ് എ - പ്രീമിയം, കാര് പാര്ക്കിങ് ബി - ഇക്കണോമി എന്നിങ്ങനെ രണ്ട് പാര്ക്കിങ് സ്ഥലങ്ങളാണുള്ളത്. പാര്ക്കിങ് എയില് അഞ്ച് മിനിറ്റിലേക്ക് അഞ്ച് ദിര്ഹവും 15 മിനിറ്റിലേക്ക് 15 ദിര്ഹവും 30 മിനിറ്റിലേക്ക് 30 ദിര്ഹവുമാണ് ചാര്ജ്. രണ്ട് മണിക്കൂര് വരെ പാര്ക്ക് ചെയ്യാന് 55 ദിര്ഹവും നാല് മണിക്കൂര് വരെ 65 ദിര്ഹവും നല്കണം. 125 ദിര്ഹത്തിന് ഒരു ദിവസം മുഴുവന് പാര്ക്ക് ചെയ്യാം.
തുടര്ന്നുള്ള ഓരോ ദിവസത്തേക്കും 100 ദിര്ഹം വീതം നല്കണം.കാര് പാര്ക്കിങ് ബിയില് ഒരു മണിക്കൂര് നേരത്തേക്ക് 25 ദിര്ഹമാണ് നിരക്ക്. രണ്ട് മണിക്കൂറിലേക്ക് 30 ദിര്ഹവും മൂന്ന് മണിക്കൂറിലേക്ക് 35 ദിര്ഹവും നാല് മണിക്കൂറിലേക്ക് 45 ദിര്ഹവും നല്കണം. ഒരു ദിവസത്തേക്ക് 85 ദിര്ഹമാണ് ഇവിടുത്തെ പാര്ക്കിങ് നിരക്ക്. തുടര്ന്നുള്ള ഓരോ ദിവസത്തേക്കും 75 ദിര്ഹം വീതം നല്കണം.
https://www.facebook.com/Malayalivartha