പെട്രോളും ഡീസലും ഉപയോക്താക്കള്‍ക്ക് വീട്ടുപടിക്കല്‍ എത്തിച്ച് നല്‍കുമെന്ന് പെട്രോളിയം പ്രകൃതിവാതക വകുപ്പു മന്ത്രി ധര്‍മേന്ദ്ര പ്രധാന്‍. ട്വിറ്ററിലൂടെയാണ് അദ്ദേഹം ഇക്കാര്യം അറിയിച്ചത്. ഐ ടി ടെലികോം മേഖലകളിലെ സാങ്കേതിക മുന്നേറ്റത്തിന്റെ സഹായത്തോടെ ഡീസല്‍, പെട്രോള്‍ എന്നിവയുടെ ഓണ്‍ലൈന്‍ ഹോം ഡെലിവറി ഉടന്‍ ആരംഭിക്കുമെന്ന് അദ്ദേഹം ട്വീറ്റ് ചെയ്തു.

പെട്രോളിന്റെ വില കുറഞ്ഞുതുടങ്ങിയതായും അദ്ദേഹം അഭിപ്രായപ്പെട്ടു. അമേരിക്കയിലെ ഇര്‍മ, ഹാര്‍വി ചുഴലിക്കൊടുങ്കാറ്റുകളാണ് പെട്രോള്‍ വിലയിലെ അസ്ഥിരതയ്ക്കും വില ഉയരാനും കാരണമായതെന്ന് അദ്ദേഹം പറഞ്ഞു. പെട്രോളിയം ഉത്പന്നങ്ങള്‍ക്ക് ജി എസ് ടി ഏര്‍പ്പെടുത്തണമെന്ന് ജി എസ് ടി കൗണ്‍സിലിനോട് അഭ്യര്‍ഥിച്ചതായും അദ്ദേഹം പറഞ്ഞു.