ഫാ. ടോം ഉഴുന്നാലില് ഇന്ന് പ്രധാനമന്ത്രിയെ കാണും, സുഷമ സ്വരാജുമായി കൂടിക്കാഴ്ച്ച നടത്തും
ഇന്ന് രാവിലെ 7.40ന് ഡല്ഹിയിലെത്തുന്ന ഫാ. ടോം ഉഴുന്നാലില് 11.30ന് പ്രധാനമന്ത്രി നരേന്ദ്രമോദിയെ കാണും. വിദേശകാര്യ മന്ത്രി സുഷമ സ്വരാജുമായും കൂടിക്കാഴ്ച്ച നടത്തും.ഉച്ചയ്ക്ക് വത്തിക്കാന് എംബസി സന്ദര്ശിക്കുന്ന അദ്ദേഹം വൈകിട്ട് 4.30ന് മാധ്യമങ്ങളെ കാണും.
നാളെ ബെംഗളൂരുവിലേക്കു തിരിക്കും. ഞായറാഴ്ച രാവിലെ കേരളത്തിലെത്തും. ചൊവ്വാഴ്ച തിരുവനന്തപുരത്തു മുഖ്യമന്ത്രി പിണറായി വിജയനെ കാണും.ഫാ. ടോം ഉഴുന്നാലിലിനു ഡല്ഹി ഇന്ദിരാഗാന്ധി രാജ്യാന്തര വിമാനത്താവളത്തില് രാവിലെ സ്വീകരണം നല്കും.
കേന്ദ്ര ടൂറിസം മന്ത്രി അല്ഫോന്സ് കണ്ണന്താനം, ഫരീദാബാദ് രൂപതാ ആര്ച്ച്ബിഷപ് മാര് കുര്യാക്കോസ് ഭരണികുളങ്ങര തുടങ്ങിയവര് നേതൃത്വം നല്കും.ഓഖ്ലയിലെ സലേഷ്യന് സഭാ കേന്ദ്രമായ ഡോണ് ബോസ്കോ ഭവനിലായിരിക്കും ആദ്യ സന്ദര്ശനം.
പ്രധാനമന്ത്രി നരേന്ദ്രമോദി, വിദേശകാര്യമന്ത്രി സുഷമ സ്വരാജ് എന്നിവരുമായുള്ള കൂടിക്കാഴ്ചയ്ക്കും വത്തിക്കാന് എംബസി സന്ദര്ശനത്തിനും ശേഷം വൈകിട്ടു 4.30നു സിബിസിഐ ആസ്ഥാനത്തു മാധ്യമങ്ങളെ കാണും.
6.30നു ഗോള് ഡാക് ഘാന സേക്രഡ് ഹാര്ട്ട് കത്തീഡ്രലില് കുര്ബാന. നാളെ ബെംഗളൂരുവിലേക്കു തിരിക്കുന്ന ഫാ. ടോം, 12 മണിക്കു സെന്റ് ജോണ്സ് മെഡിക്കല് കോളജില് െ്രെകസ്തവ സഭാ മേലധ്യക്ഷന്മാരുമായി കൂടിക്കാഴ്ച നടത്തും.
https://www.facebook.com/Malayalivartha
