എല്ഫിസ്റ്റണ് ദുരന്തം: റെയില്വേ ഉദ്യോഗസ്ഥര്ക്കെതിരെ നടപടി ആവശ്യപ്പെട്ട് പൊതുതാത്പര്യ ഹര്ജി
എല്ഫിസ്റ്റണ് നടപ്പാല ദുരന്തം റെയില്വേ ഉദ്യോഗസ്ഥരുടെ അശ്രദ്ധമൂലമുണ്ടായതാണെന്നും അവര്ക്കെതിരെ നടപടി വേണമെന്നും ആവശ്യപ്പെട്ട് മുംബൈ ഹൈക്കോടതിയില് പൊതുതാത്പര്യ ഹര്ജി. 22 പേര് കൊല്ലപ്പെട്ട ദുരന്തത്തിന് റെയില്വേ ഉദ്യോഗസ്ഥര്ക്കെതിരെ കേസെടുക്കണമെന്ന് ആവശ്യപ്പെട്ട് മുംബൈ സ്വദേശിയായ പ്രദീപ് ഭലേക്കറാണ് പൊതുതാത്പര്യ ഹരജി സമര്പ്പിച്ചത്. ഒക്ടോബര് മൂന്നിന് ഹരജി കോടതിയുടെ ശ്രദ്ധയില്പെടുത്തുമെന്ന് ഭലേക്കറുടെ അഭിഭാഷകന് അറിയിച്ചു.
സംഭവത്തില് കോടതി നേരിട്ട് അന്വേഷണം നടത്തണമെന്നും ഹരജിയില് ആവശ്യപ്പെടുന്നു. എല്ഫിസ്റ്റണ് പാലം ഇടുങ്ങിയതാണെന്ന് യാത്രക്കാര് തന്നെ നിരവധി പരാതികള് റെയില്വേക്ക് നല്കിയിരുന്നെന്നും എന്നാല് സര്ക്കാറും റെയില്വേയും നടപടി സ്വീകരിക്കുന്നതില് പരാജയപ്പെട്ടുവെന്നും ഹരജിയില് ആരോപിക്കുന്നു.
റെയില്വേയുടെ ഭാഗത്തു നിന്നുള്ള പൂര്ണ്ണമായ അവഗണനയാണ് അപകടത്തിന് ഇടവരുത്തിയതെന്നും റെയില്വേ ഉദ്യോഗസ്ഥര്ക്കെതിരെ മനഃപൂര്വമല്ലാത്ത നരഹത്യക്ക് കേസെടുക്കണമെന്നുമാണ് ഹരജിയിലെ ആവശ്യം.
https://www.facebook.com/Malayalivartha
