ഡൽഹി ഐ.എല്‍.ബി.എസ് ആശുപത്രിയില്‍ നഴ്‌സുമാരുടെ സമരം ശക്തമായി തുടരുന്നു. തൊഴില്‍ പീഡനത്തെ തുടര്‍ന്ന് ആത്മഹത്യക്കു ശ്രമിച്ച മലയാളി നഴ്‌സിന് നീതി ലഭ്യമാക്കണമെന്നാവശ്യപ്പെട്ടാണ് സമരം. സംഭവത്തിൽ പോലീസ് ആദ്യം മൊഴിയെടുക്കാന്‍ തയ്യാറായില്ലെന്നും പിന്നീട് വനിതാകമ്മീഷന്റെ ആവശ്യപ്രകാരമാണ് പോലീസ് മൊഴി എടുക്കാൻ വന്നതെന്നും ആത്മഹത്യക്കു ശ്രമിച്ച യുവതി പറഞ്ഞു.

ആശുപത്രിയുടെ മുൻപിൽ സമരം ചെയ്യാനാവില്ലെന്ന് ഡല്‍ഹി പോലീസ് വ്യക്തമാക്കിയത് നേരിയ സംഘര്‍ഷത്തിനിടയാക്കിയിരുന്നു. ഇതേതുടര്‍ന്ന് സമരം അടുത്തുള്ള സ്വകാര്യവിദ്യാലയത്തിനു മുന്നിലേക്ക് മാറ്റിയിരുന്നു. വിഷയത്തിൽ ഇടപെടണം എന്നാവശ്യപ്പെട്ട് കേരളാ മുഖ്യമന്ത്രി പിണറായി വിജയൻ ഡൽഹി മുഖ്യമന്ത്രി അരവിന്ദ് കെജ്‌രിവാളിന് കത്തയച്ചിരുന്നു.സമരക്കാർ ഇന്നു വൈകിട്ട് ഡല്‍ഹി മുഖ്യമന്ത്രിയെക്കാണുന്നുണ്ട്.