ബി.എസ്​.പി നേതാവ്​ വെടിയേറ്റ്​ മരിച്ചതിനെ തുടർന്ന്​ അലഹബാദിൽ കലാപം. കലാപകാരികൾ തെരുവുകൾ കൈയടക്കുകയും ബസുകൾക്ക്​ തീവെക്കുകയും ചെയ്​തു. മെഡിക്കൽ ക്ലിനിക്കിനും തീവെച്ചുവെന്ന്​ റിപ്പോർട്ടുകളുണ്ട്​.ബി.എസ്​.പി നേതാവായ രാജേഷ്​ യാദവ്​ ചൊവ്വാഴ്​ച പുലർച്ചെയാണ്​ കൊല്ലപ്പെട്ടത്​. അലഹബാദ്​ യൂനിവേഴ്​സിറ്റി ഹോസ്​റ്റലിന്​ സമീപത്ത്​ വെച്ചാണ്​ യാദവിന്​ ​വെടിയേറ്റത്​.സ്ഥിതിഗതികൾ ശാന്തമാക്കാനുള്ള ശ്രമങ്ങൾ നടത്തുകയാണെന്ന്​ യു.പി പൊലീസ്​ അറിയിച്ചു. മാധ്യമ പ്രവർത്തകർക്കെതിരെയും ആക്രമണങ്ങളുണ്ടായിട്ടുണ്ട്​. 2017 നിയമസഭ തെരഞ്ഞെടുപ്പിൽ ബദോഹി ജില്ലയിൽ നിന്ന്​ രാജേഷ്​ യാദവ്​ ബി.എസ്​.പി സ്ഥാനാർഥിയായി മൽസരിച്ചിരുന്നു.