സാമൂഹ്യമാധ്യമങ്ങൾ അതിരുകടക്കുന്നെന്നും ഇതിന് നിയന്ത്രണം ആവശ്യമാണെന്നും പ്രമുഖ അഭിഭാഷകൻ ഹരീഷ്​ സാൽവെ. കോടതി നടപടികൾ ഉൾപ്പെടെയുള്ള പല കാര്യങ്ങളിലും തെറ്റായ വിവരങ്ങളാണ് സാമൂഹ്യമാധ്യമങ്ങളിലൂടെ പ്രചരിപ്പിക്കുന്നത് ഇത് ഗൗരവമായ പ്രശ്നമാണെന്നും സാൽവെ സുപ്രീംകോടതിയിൽ വ്യക്തമാക്കി.

ട്വിറ്റർ ഉൾപ്പെടെയുള്ള സാമൂഹികമാധ്യമങ്ങളിൽ അധിക്ഷേപങ്ങൾ നിറയുകയാണെന്നും അദ്ദേഹം പറഞ്ഞു. മര്യാദ കൈവിടുന്ന സാമൂഹ്യമാധ്യമങ്ങൾക്ക്​ നിയന്ത്രണം ആവശ്യമാണെന്ന് ​ മുതിർന്ന അഭിഭാഷകനായ ഫാലി എസ്​ നരിമാനും കോടതിയിൽ ആവശ്യപ്പെട്ടു. ഉത്തർപ്രദേശിലെ ബുലന്ദ്​ശഹറിൽ ​നടന്ന കൂട്ടമാനഭംഗക്കേസിന്റെ വിചാരണക്കിടയാണ്​ അതിരുകടക്കുന്ന സാമൂഹ്യമാധ്യമങ്ങങ്ങളെ നിയന്ത്രിക്കേണ്ടതിന്റെ ആവശ്യകതയെപ്പറ്റി കോടതിയെ അറിയിച്ചത്.