ഇന്ത്യന് ചരക്കു കപ്പല് റാഞ്ചാനുള്ള ശ്രമം നാവികസേന പരാജയപ്പെടുത്തി
ഇന്ത്യന് ചരക്കു കപ്പല് കൊള്ളയടിക്കാനുള്ള ശ്രമം പരാജയപ്പെടുത്തി ഇന്ത്യന് നാവിക സേന. ഏദന് ഉള്ക്കടലില് 82000 ടണ് ശേഷിയുള്ള എംവി ജഗ് അമര് എന്ന കപ്പലാണ് കൊള്ളക്കാര് ആക്രമിച്ചത്. 26 ജീവനക്കാരാണ് കപ്പലില് ഉണ്ടായിരുന്നത്. ഇന്ത്യന് നാവികസേനയുടെ ഐഎന്എസ് ത്രിശൂലിന്റെ സമയോചിതമായ ഇടപെടലാണ് കൊള്ളക്കാരെ കീഴ്പ്പെടുത്തിയത്.
കപ്പല് ആക്രമിച്ച കൊള്ളക്കാര്ക്കായി നാവികസേന തിരച്ചില് ആരംഭിച്ചു. ഈ വര്ഷം മേയ് മാസത്തില് ലൈബീരിയന് കപ്പലായ എംവി ലോര്ഡ് മൗണ്ട് ബാറ്റണെയും കടല് കൊള്ളക്കാരില് നിന്ന് ഇന്ത്യന് നാവികസേന രക്ഷിച്ചിരുന്നു.
ആ കടല്ക്കൊള്ള ശ്രമം പരാജയപ്പെടുത്തിയത് ഇന്ത്യന് നാവികസേനയുടെ പടക്കപ്പലുകളിലൊന്നായ ഐഎന്എസ് ശാരദയായിരുന്നു. കപ്പലുകളുടെ സംരക്ഷണത്തിനായി ഏദന് കടലിടുക്കില് ഇന്ത്യന് നാവിക സേനയുടെ നിരീക്ഷണമുണ്ട്. അറബിക്കടലില് യെമനും സൊമാലിയക്കും ഇടയിലുള്ള മേഖലയിലാണ് ഏദന് ഉള്ക്കടല്.
https://www.facebook.com/Malayalivartha
