സാമ്പത്തിക മാന്ദ്യം വളരെയധികം കടുത്ത സാഹചര്യത്തില്‍ ചെറുകിട വ്യാപാരികള്‍ക്ക് ജി.എസ്.ടിയില്‍ ഇളവ് നല്‍കാന്‍ ഇന്നലെ ചേര്‍ന്ന ജി. എസ്. ടി കൗണ്‍സില്‍ തീരുമാനിച്ചു. അതോടൊപ്പം 27 ഉല്‍പ്പന്നങ്ങളുടെ നികുതി കുറയ്ക്കുകയും ചെയ്തു. നിരവധി ഉല്‍പന്നങ്ങളുടെ നികുതി 12ല്‍ നിന്ന് അഞ്ച് ശതമാനമായി കുറച്ചു.

ഒന്നര കോടി രൂപ വരെ വിറ്റുവരവുള്ള ചെറുകിട വ്യാപാരികള്‍ ഇനി പ്രതിമാസ റിട്ടേണ്‍ സമര്‍പ്പിക്കേണ്ട. മൂന്ന് മാസത്തിലൊരിക്കല്‍ റിട്ടേണ്‍ സമര്‍പ്പിച്ചാല്‍ മതി. മാസം തോറും റിട്ടേണ്‍ സമര്‍പ്പിക്കുന്നത് ചെറുകിട വ്യാപാരികളെ ദുരിതത്തിലാക്കിയിരുന്നു. കേരളത്തിന്റെ ഒരു പ്രധാന ആവശ്യം ഇതായിരുന്നെന്ന് ധനമന്ത്രി ഡോ.തോമസ് ഐസക് പറഞ്ഞു. കൈകൊണ്ട് നെയ്യുന്ന കയര്‍ ഉത്പന്നങ്ങളുടെയും ബ്രാന്‍ഡഡ് അല്ലാത്ത ആയുര്‍വേദ മരുന്നുകളുടെയും നികുതി 12ല്‍ നിന്ന് അഞ്ച് ശതമാനമായി കുറയ്ക്കാന്‍ തീരുമാനിച്ചു. ഇത് കേരളത്തിന് ഗുണകരമാണ്. അനുമാന നികുതിക്കുള്ള വിറ്റുവരവ് പരിധി 75 ലക്ഷം രൂപയില്‍ നിന്ന് ഒരുകോടിയാക്കും. സ്വര്‍ണം വാങ്ങാന്‍ ഇളവുകള്‍ പ്രഖ്യാപിച്ചതും ശ്രദ്ധേയമായി. രണ്ട് ലക്ഷം വരെയുള്ള തുകയ്ക്ക് സ്വര്‍ണം വാങ്ങാന്‍ ഇനി പാന്‍ കാര്‍ഡ് വേണ്ട.

വിദേശത്ത് നിന്ന് കൊണ്ടുവരുന്ന 5000 രൂപ വരെ സമ്മാനങ്ങള്‍ക്ക് നികുതി ഈടാക്കില്ല. ഈ പരിധി 20,000 രൂപ വരെയാക്കണമെന്ന് കേരളം ആവശ്യപ്പെട്ടെങ്കിലും ഫലം കണ്ടില്ലെന്ന് തോമസ് ഐസക് പറഞ്ഞു. പെട്രോളിയം, വിഷയം യോഗം ചര്‍ച്ച ചെയ്തില്ല.
ഹോട്ടല്‍ ഭക്ഷണത്തിന് വിലകുറയും. എ.സി റെസ്റ്റാറന്റുകളിലെ ഭക്ഷണത്തിന്റെ നികുതി 18ല്‍ നിന്ന് 12 ശതമാനമായി കുറയ്ക്കാന്‍ തത്വത്തില്‍ തീരുമാനമായി. എന്നാല്‍, എ.സി, നോണ്‍ എ.സി റസ്റ്റാറന്റുകളിലെ നികുതി കുറയ്ക്കുന്ന കാര്യം മന്ത്രിതല സമിതിക്ക് വിട്ടു. 14 ദിവസത്തിനകം സമിതി റിപ്പോര്‍ട്ട് സമര്‍പ്പിക്കണം. അടുത്ത ജി.എസ്.ടി കൗണ്‍സില്‍ യോഗം ഈ മാസം 9, 10 തീയതികളില്‍ ഗോഹട്ടിയില്‍ നടക്കും.
കയറ്റുമതിക്കാര്‍ക്ക് ആശ്വാസം

ജി.എസ്.ടി കയറ്റുമതി മേഖലയെ ഗുരുതരമായി ബാധിച്ച സാഹചര്യത്തില്‍ അവര്‍ക്ക് റിട്ടേണ്‍ നല്‍കാന്‍ 2018 ഏപ്രില്‍ ഒന്ന് മുതല്‍ ഇ വാലറ്റ് നടപ്പാക്കും. കയറ്റുമതിക്കാര്‍ക്ക് തിരിച്ചു നല്‍കാനുള്ള നികുതി ഒക്ടോബര്‍ 10 മുതല്‍ നല്‍കും. കയറ്റുമതിക്ക് 0.1 ശതമാനം ജി. എസ്.ടി.
നികുതി കുറച്ചത്
ഉല്‍പ്പന്നം ...........പഴയ നികുതി............പുതിയ നികുതി
കയര്‍ ഉല്‍പന്നങ്ങള്‍12......................5
ഉണക്കിയ മാങ്ങ ............ 12%................................5%
ചപ്പാത്തി : 12 : 5
കുട്ടികള്‍ക്കുള്ള പാക്കേജഡ് ഭക്ഷണം: 12 : 5
കരകൗശല വസ്തുക്കള്‍ 12..............5
ഡിസല്‍ എന്‍ജിന്‍ സ്‌പെയര്‍പാര്‍ട്ട്‌സ് : 28 : 18
മാര്‍ബിള്‍, ഗ്രാനൈറ്റ് എന്നിവ ഒഴികെ തറയിടുന്നതിനുള്ള കല്ലുകള്‍: 28 : 18
സ്‌റ്റേഷനറി ഉല്പന്നങ്ങള്‍ 28 18
സാരി വര്‍ക്ക് : 12 : 5
ബ്രാന്‍ഡഡ് അല്ലാത്ത പാക്കറ്റുകളിലെ ലഘുഭക്ഷണങ്ങള്‍ : 12 : 5
ടെക്‌സ്‌റ്റൈല്‍ ഉല്‍പന്നങ്ങള്‍ 12
ബ്രാന്‍ഡഡ് അല്ലാത്ത ആയുര്‍വേ മരുന്ന്: 12 : 5
പ്‌ളാസ്റ്റിക് മാലിന്യം : 18 : 5
റബര്‍ മാലിന്യം : 12 : 5
പേപ്പര്‍ മാലിന്യം : 12 : 5
മനുഷ്യനിര്‍മ്മിത നൂല് : 18 : 5
കൈ കൊണ്ടു നെയ്യുന്ന കയര്‍ഷ; : 18: 5