1996ലെ സോനിപത് ബോംബ് സ്‌ഫോടനക്കേസുകളില്‍ ലഷ്‌കര്‍ ഇ ത്വയ്യിബ ഭീകരന്‍ അബ്ദുള്‍ കരീം തുണ്ടക്ക് കോടതി ജീവപര്യന്തം ശിക്ഷ വിധിച്ചു. കൂടാതെ 50,000 രൂപ പിഴയും തുണ്ട ഒടുക്കണം. ഇന്നലെ തുണ്ടയെ കുറ്റക്കാരനായി കോടതി കണ്ടെത്തിയിരുന്നു.

1996 ല്‍ സോനിപതില്‍ നടന്ന ഇരട്ട സ്‌ഫോടനത്തില്‍ 15 പേര്‍ക്കു പരുക്കേറ്റിരുന്നു. സിനിമാ തിയേറ്ററിലും മിഠായിക്കടയിലുമായാണ് സ്‌ഫോടനങ്ങള്‍ നടന്നത്. 2013 ഓഗസ്റ്റ് 16 ന് ഇന്ത്യ-നേപ്പാള്‍ അതിര്‍ത്തിയില്‍ ബന്‍ബാസയില്‍ നിന്നാണ് തുണ്ടയെ അറസ്റ്റ് ചെയ്തത്.

ഇന്ത്യയില്‍ നടന്ന നിരവധി സ്‌ഫോടനങ്ങളിലും ഇയാള്‍ക്ക് പങ്കുണ്ടെന്ന് സംശയിക്കപ്പെടുന്നു.