വിവാഹത്തിനു മുൻപ്​ ബിരുദ പഠനം പൂര്‍ത്തിയാക്കുന്ന ന്യൂനപക്ഷ വിഭാഗം പെണ്‍കുട്ടികള്‍ക്ക്​ സന്തോഷവാർത്ത. മൗലാന ആസാദ്​ എജുക്കേഷന്‍ ഫൗണ്ടേഷന്റെ നിര്‍ദേശം ന്യൂനപക്ഷ കാര്യ മന്ത്രാലയം അംഗീകരിച്ചതിന്റെ അടിസ്ഥാനത്തിൽ 51,000 രൂപയുടെ കേന്ദ്ര സര്‍ക്കാര്‍ സ്​കോളര്‍ഷിപ്പാണ് അനുവദിച്ചിരിക്കുന്നത്.

'ശാദി ശഗുണ്‍' എന്ന്​ പേരിട്ട പദ്ധതി ന്യൂനപക്ഷങ്ങള്‍ക്കിടയില്‍ ഉന്നത വിദ്യാഭ്യാസം ​പ്രോത്​സാഹിപ്പിക്കുന്നതിനു വേണ്ടിയാണ്​ ആരംഭിച്ചിരിക്കുന്നത്​. ന്യൂനപക്ഷ വിഭാഗങ്ങളിലെ പിന്നാക്കക്കാര്‍ക്ക്​ മാസം സ്​കോളര്‍ഷിപ്പ്​ ലഭിക്കുന്ന പദ്ധതി നിലവിലുണ്ട്​. എന്നാല്‍ ഇത്​ 12ാം ക്ലാസ്​ വ​രെയുള്ള വിദ്യാര്‍ഥികള്‍ക്കേ ലഭ്യമായിരുന്നുള്ളു. ഇൗ പദ്ധതിയാണ്​ വിവാഹത്തിനു മുൻപ്​ ബിരുദം പൂര്‍ത്തിയാക്കുന്നവര്‍ക്കു കൂടി ലഭിക്കാൻ പോകുന്നത്.