ഇന്ത്യയുടെ അധോലോകനായകന്‍ ദാവൂദ് ഇബ്രാഹിം തന്റെ മകനെ ഓര്‍ത്ത് കടത്ത കടുത്ത വിഷാദത്തിലെന്ന് സൂചന. തന്റെ പാരമ്പര്യം പിന്തുടരാനുള്ള ഏക ആണ്‍തരി ദൈവത്തിന്റെ വഴി സ്വീകരിച്ചതാണ് ദാവൂദിനെ വിഷമത്തിലാക്കിയിരിക്കുന്നത്. മക്കളില്‍ മൂന്നാമനായ നവാസ് ഡി. കസ്‌കറാണ് സമ്ബൂര്‍ണ പൗരോഹിത്യ മാര്‍ഗത്തിലാണെന്നാണ് ദേശീയമാധ്യമങ്ങള്‍ റിപ്പോര്‍ട്ട് ചെയ്യുന്നത്.

ദാവൂദിന്റെ കുടുംബത്തില്‍ നിന്ന് അകന്നുകഴിയുന്ന മൊയിന്‍ സ്വന്തം വ്യവസായ സാമ്രാജ്യങ്ങളുടെ ഒന്നും പ്രലോഭനങ്ങളില്‍ ഒരു താത്പര്യവുമില്ലാതെ കടുത്ത മതപ്രബോധകന്‍ ആയി മാറിയിരിക്കുകയാണ്. ഖുര്‍ആനിലെ 6,236 സൂക്തങ്ങളും മനപാഠമാക്കിയ നവാസ് കറാച്ചിയിലെ ആഡംബര വസതി ത്യജിച്ച് കറാച്ചിയിലെ ഒരു പള്ളിയോട് ചേര്‍ന്നുള്ള ചെറിയ വീട്ടിലാണ് ഇപ്പോള്‍ താമസം. മതപ്രബോധകന്‍ ആയെങ്കിലും ഭാര്യയേയും മൂന്നുമക്കളേയും ഉപേക്ഷിക്കാന്‍ മൊയിന്‍ തയ്യാറായിട്ടില്ല.

കുടുംബത്തിലെ പലരും ഇന്ത്യയിലും മറ്റും പിടികിട്ടാപുള്ളികളാണെങ്കിലും ഇത്തരം പ്രവര്‍ത്തനങ്ങളോട് കടുത്ത എതിര്‍പ്പാണുള്ളത്. ആദ്യകാലങ്ങളില്‍ ദാവുദിന്റെ വ്യവസായങ്ങളില്‍ ശ്രദ്ധയുണ്ടായിരുന്നെങ്കിലും പിന്നീട് അത് മാറുകയായിരുന്നു. പോലീസ് പിടിയിലായ ദാവൂദിന്റെ ഇളയസഹോദരന്‍ ഇഖ്ബാല്‍ ഇബ്രാഹിം കസ്‌കറിനെ ചോദ്യം ചെയ്തപ്പോളാണ് ദാവൂദിന്റെ വീട്ടിലെ കാര്യങ്ങള്‍ പുറത്തുവന്നത്.