ഉത്തര്‍പ്രദേശിലെ തദ്ദേശ സ്ഥാപനങ്ങളിലേക്ക് നടക്കുന്ന തെരഞ്ഞെടുപ്പിന്റെ രണ്ടാംഘട്ട പോളിങ് തുടങ്ങി. രണ്ടാംഘട്ടത്തില്‍ 25 ജില്ലകളിലെ ജനങ്ങള്‍ പോളിങ് ബൂത്തിലെത്തും. ആറ് മുന്‍സിപ്പല്‍ കോര്‍പ്പറേഷനുകളിലേക്കും 189 നഗരസഭകളിലേക്കുമാണ് ഞായറാഴ്ച തെരഞ്ഞെടുപ്പ് നടക്കുന്നത്.

മൂന്ന് ഘട്ടമായി നടക്കുന്ന തെരഞ്ഞെടുപ്പിന്റെ ആദ്യഘട്ടം നവംബര്‍ 22ന് കഴിഞ്ഞിരുന്നു. 52 ശതമാനം പോളിങ്ങാണ് ആദ്യഘട്ടത്തില്‍ രേഖപ്പെടുത്തിയത്. നവംബര്‍ 29നാണ് മൂന്നാംഘട്ട വോട്ടെടുപ്പ്. ഡിസംബര്‍ 1ന് വോട്ടെണ്ണല്‍ നടക്കും.

കഴിഞ്ഞ മാര്‍ച്ചിലെ നിയമസഭ തെരഞ്ഞെടുപ്പിന് ശേഷം യു.പിയില്‍ നടക്കുന്ന സുപ്രധാന തെരഞ്ഞെടുപ്പാണിത്. യോഗി ഭരണത്തിന്റെ വിലയിരുത്തലാവും തെരഞ്ഞെടുപ്പ്. 2019ല്‍ നിയമസഭ തെരഞ്ഞെടുപ്പ് നടക്കാനിരിക്കെ ബി.ജെ.പിക്ക് നിര്‍ണായകമാണ് തദ്ദേശ തെരഞ്ഞെടുപ്പിലെ ഫലം.