ലോകസൗന്ദര്യ മത്സരവേദിയില്‍ ഇന്ത്യന്‍ യശസ്സുയര്‍ത്തിയ മാനുഷി ഛില്ലര്‍ ഇന്ത്യയില്‍ മടങ്ങിയെത്തിയപ്പോള്‍ വന്‍ വരവേല്പാണ് ലഭിച്ചത്. പരമ്പരാഗത രീതിയില്‍ മാലയിട്ട് തിലകമണിയച്ച് ലോകസുന്ദരിക്ക് മുംബൈ വിമാനത്താവളത്തില്‍ വന്‍ സ്വീകരണം ഒരുക്കി. മാനുഷിയെ സ്വീകരിക്കാനും ആശംസകള്‍ അര്‍പ്പിക്കാനും ആയിരക്കണിക്കിനാളുകള്‍ വിമാനത്താവളത്തില്‍ എത്തിയിരുന്നു. ഇന്ത്യ നല്‍കിയ വരവേല്‍പിന് ചില്ലര്‍ നന്ദി പറഞ്ഞു. ട്വിറ്ററിലൂടെയാണ് മാനുഷി ചില്ലര്‍ നന്ദി അറിയിച്ചത്. വീട്ടില്‍ മടങ്ങിയെത്തിയതില്‍ സന്തോഷമുണ്ടെന്നും തനിക്ക് ഒരുക്കിയ വലിയ സ്വീകരണത്തിന് ഇന്ത്യയോട് നന്ദിയുണ്ടെന്നുമാണ് മാനുഷി ട്വിറ്ററില്‍ കുറിച്ചത്.