ജനങ്ങളുടെ അതിവൈകാരികതയാണ് പ്രതിഷേധത്തിന് കാരണം ; പദ്മാവതി വിഷയത്തില്‍ കർണി സേനയ്ക്കെതിരെ കമല്‍ഹാസന്‍
തന്റെ സിനിമയായ വിശ്വരൂപത്തിന് സംഭവിച്ച അതേ അവസ്ഥയാണ് പദ്മാവതിയ്ക്കും സംഭവിക്കുന്നതെന്ന് ഉയരുന്ന വിവാദങ്ങള്‍ക്കെതിരെ ആഞ്ഞടിച്ചുകൊണ്ട് കമല്‍ഹാസന്‍. ജനങ്ങളുടെ അതിവൈകാരികതയാണ് സഞ്ജയ് ലീല ഭന്‍സാലിയുടെ പദ്മാവതി സിനിമയ്ക്കെതിരെ നടക്കുന്ന പ്രതിഷേധത്തിന് കാരണമെന്നും കമല്‍ഹാസന്‍ തുറന്നടിച്ചു.
ഇത്തരത്തില്‍ ചരിത്ര സിനിമകള്‍ കാണുന്നതിന് മുമ്പ് അത് നിരോധിക്കണമെന്നും അഭിപ്രായപ്പെടുന്നത് തെറ്റാണെന്നും ഇതേ അവസ്ഥ തന്റെ 'വിശ്വരൂപം' സിനിമയ്ക്കും ഈ ഗതി വന്നിരുന്നുവെന്നും കമല്‍ഹാസന്‍ അഭിപ്രായപ്പെട്ടു. ഡല്‍ഹിയില്‍ സാഹിത്യോത്സവത്തില്‍ പങ്കെടുത്ത് സംസാരിക്കുമ്ബോഴാണ് പദ്മാവതി വിഷയത്തില്‍ കമല്‍ഹാസന്‍ തുറന്നടിച്ചത്.
പദ്മാവതി സിനിമയ്ക്കെതിരെ പ്രതിഷേധം ഉയരുമ്ബോള്‍, പ്രതിഷേധിക്കുന്നവരാരും ആ സിനിമ കണ്ടിട്ടില്ല. അതുപോലെ തന്നെ വിശ്വരൂപം നിരോധിക്കണമെന്ന് ആവശ്യം ഉയരുമ്ബോള്‍ അവരാരും ആ സിനിമ കണ്ടിരുന്നില്ല. അത് പുറത്തിറങ്ങിയതിനു ശേഷമാണ് ഈ പ്രതിഷേധമെങ്കില്‍ മനസിലാക്കാമായിരുന്നുവെന്നും. ഒരു സിനിമാക്കാരനായല്ല, പകരം ഒരു ഇന്ത്യക്കാരനായാണ് താനിത് പറയുന്നതെന്നും കമല്‍ഹാസന്‍ പറഞ്ഞു.
https://www.facebook.com/Malayalivartha
