2014ലാണ് അരുണ ഇന്‍സ്റ്റിറ്റ്യൂട്ടിലെ മാനേജിങ് ഡയറക്ടര്‍ അങ്കുഷും ദീപികയും വിവാഹിതരാകുന്നത്. വിവാഹശേഷം ഇരുവരും ഹൈദരബാദിലെ സൈദബാദിൽ പുസാലബസ്ദി കോളനിയിലെ ഫ്ലാറ്റിലേയ്ക്ക് താമസം മാറി.

സ്വവര്‍ഗരതിക്കാരനായ ഭർത്താവ് ഫ്ലാറ്റിലേക്ക് മറ്റു യുവാക്കളെ കൊണ്ടുവരുകയും ലൈംഗീകബന്ധത്തിലേർപ്പെടുകയും ചെയ്തിരുന്നു. ഇത് നേരിട്ട് കണ്ട ദീപിക പോലീസിനു പരാതി കൊടുത്തു. വിവാഹം കഴിഞ്ഞതു മുതല്‍ അങ്കുഷ് തന്നെ മാനസികമായും ശാരീരകമായും പീഡിപ്പിക്കുന്നുവെന്നും ദീപിക പരാതിയില്‍ പറയുന്നു.

അങ്കുഷ് സ്വവര്‍ഗരതിക്കാരനാണെന്നും അടുത്തുള്ള പുരുഷന്മാരെ വശീകരിച്ച് ഫ്ലാറ്റിലെത്തിച്ച് ലൈംഗിക ബന്ധത്തില്‍ ഏര്‍പ്പെടുന്നുവെന്നും ദീപിക പറഞ്ഞു. അങ്കുഷിന്റെ മാതാപിതാക്കളും സഹോദരങ്ങളും തന്നെ അപമാനിക്കുന്നുവെന്നും പീഡിപ്പിക്കുന്നുവെന്നും ദീപിക പറയുന്നു. ഈയടുത്ത് കുക്കാട്ട് പള്ളിയിലെ ഫ്ലാറ്റില്‍ വെച്ച് അങ്കുഷിനെയും കൂട്ടുകാരനെയും ലൈംഗിക ബന്ധത്തിനിടെ പിടികൂടിയിരുന്നു. ദീപിക ഇതിനെ കുറിച്ച് ചോദിച്ചപ്പോൾ ആരുമില്ലാത്ത സ്ഥലത്ത് ഉപേക്ഷിച്ചിട്ട് അങ്കുഷ് കടന്നു കളഞ്ഞുവെന്നു അവർ പറയുന്നു. ദീപിക പരാതി നല്‍കിയിട്ട് പത്ത് ദിവസം കഴിഞ്ഞു. എന്നാൽ ഇതുവരെ നടപടികളൊന്നുംതന്നെ എടുത്തിട്ടില്ല.