കോണ്ഗ്രസ് പാര്ട്ടിയെ വിമർശിച്ച് ബിജെപി വക്താവ്
കോണ്ഗ്രസ് പാര്ട്ടിക്കെതിരെ കടുത്ത വിമര്ശനവുമായി ബി.ജെ.പി. രാഹുൽ ഗാന്ധി കോൺഗ്രസ്സ് അധ്യക്ഷനായി സ്ഥാനമേറ്റതിനുപിന്നാലെയാണ് കോൺഗ്രസിനെ വിമർശിച്ച് ബിജെപി രംഗത്തെത്തിയിരിക്കുന്നത്. കോണ്ഗ്രസ് പിന്തുണച്ചിരുന്ന ജാര്ഖണ്ഡ് മുന് മുഖ്യമന്ത്രി മധു കോഡയ്ക്ക് അഴിമതിക്കേസില് മൂന്നുവര്ഷം തടവുശിക്ഷ ലഭിച്ചത് ചൂണ്ടിക്കാട്ടിയാണ് ബി.ജെ.പി വക്താവ് സംബിത് പത്ര വിമർശിച്ചത്.
നാല് വര്ഷമായി അധികാരത്തില്നിന്ന് അകന്നുനിന്നിട്ടും അഴിമതിക്കേസുകള് കോണ്ഗ്രസിനെ വേട്ടയാടുകയാണെന്ന് സംബിത് പറഞ്ഞു. നേതൃത്വം മാറിയാലും കോണ്ഗ്രസിലെ അഴിമതി മാറ്റമില്ലാതെ നിലനില്ക്കുമെന്ന് അദ്ദേഹം പരിഹസിച്ചു.
പഴയ അധ്യക്ഷനായാലും പുതിയ അധ്യക്ഷനായാലും കോണ്ഗ്രസിന്റെ പ്രവര്ത്തന രീതിയില് മാറ്റം വരില്ലെന്നും അഴിമതി നിറഞ്ഞ രീതികള് അവര് തുടരുമെന്നും അദ്ദേഹം ആരോപിച്ചു.
https://www.facebook.com/Malayalivartha