യാത്രക്കാർക്കുള്ള നിബന്ധന വീണ്ടും കർശനമാക്കുകയാണ് എയർ ഇന്ത്യ. ഇനി യാത്രയ്ക്ക് തയ്യാറെടുക്കുന്ന പ്രവാസികൾ ഇക്കാര്യം കൃത്യമായി മനിലാക്കിയില്ലെങ്കിൽ വിമാനത്തവളത്തിലെത്തി പണിമേടിക്കും. ടിക്കറ്റ് എടുമ്പോൾ ഏർപ്പെടുത്തിയ നിബന്ധനയാണ് ഇപ്പോൾ പ്രവാസികൾക്ക് വിനയായിരിക്കുന്നത്. ഇനി യാത്രയ്ക്ക് പുറപ്പെടുന്നതിന് മുമ്പ് ഇക്കാര്യം പ്രത്യേകം ശ്രദ്ധിക്കേണ്ടതുണ്ട്. ക്രെഡിറ്റ് കാർഡ് വഴി വിമാന ടിക്കറ്റെടുത്തവർ നിരവധിയാണ്.

അത്തരത്തിലുള്ളവർക്കാണ് ഇപ്പോൾ പണി കിട്ടിയിരിക്കുന്നത്. അതായത് ക്രെഡിറ്റ് കാർഡ് വഴി ടിക്കറ്റെടുത്തവർ കാർഡ് കൈയിൽ കരുതണമെന്ന് എയർ ഇന്ത്യ അറിയിച്ചിരിക്കുകയാണ്. ക്രെഡിറ്റ് കാർഡ് വഴി ടിക്കറ്റെടുക്കുന്നവർ വിമാനത്തവളത്തിലെത്തുമ്പോൾ ഈ കാർഡ് കൈയിൽ കരുതണമെന്ന് എയർഇന്ത്യ എക്‌സ്പ്രസ് വ്യക്തമാക്കിയിട്ടുള്ളത്. എന്നാൽ യാത്രക്കാരന്റെ കൈവശം കാർഡില്ലെങ്കിൽ സ്വയം സാക്ഷ്യപ്പെടുത്തിയ പകർപ്പ് കരുതണമെന്നും വിമാന കമ്പനി അറിയിച്ചു.

മറ്റൊരാളുടെ ക്രെഡിറ്റ് കാർഡ് ഉപയോഗിച്ചാണ് ടിക്കറ്റെടുത്തതെങ്കിൽ അയാളുടെ ഓതറൈസേഷൻ ലെറ്ററും കാർഡിന്റെ പകർപ്പും കൈയിൽ കരുതണം. നേരത്തെ മുതലുണ്ടായിരുന്ന നിബന്ധന വീണ്ടും കർശനമാക്കുന്നതിന്റെ ഭാഗമായാണ് ഈ നടപടി. മറ്റൊരാളുടെ ക്രെഡിറ്റ് കാർഡ് ഉപയോഗിച്ചുള്ള തട്ടിപ്പ് ഒഴിവാക്കുന്നതിന്റെ ഭാഗമായാണ് നടപടി.

എയർ ഇന്ത്യ എക്‌സ്പ്രസ് മാത്രമാണ് നിലവിൽ ഈ നയം കർശനമാക്കുന്നതായി അറിയിച്ചിരിക്കുന്നത്. മറ്റ് എയർലൈനുകൾക്കും ഇതേ നയമാണെങ്കിലും ഇക്കാര്യം കർശനമായി പരിശോധിക്കാറില്ല. ഇനി മുതൽ ചെക്ക് ഇൻ സമയത്ത് ക്രെഡിറ്റ് കാർഡ് വിവരം അധികൃതർ ആവശ്യപ്പെട്ടാൽ നൽകേണ്ടിവരും. റാൻഡം ചെക്കിങ് ആയിരിക്കും നടത്തുക.

എന്നാൽ, അംഗീകൃത ട്രാവൽ ഏജൻസികൾ വഴി ടിക്കറ്റെടുക്കുന്നവരെ ഈ നിയമം ബാധിക്കില്ലെന്ന് യു.എ.ഇയിലെ ട്രാവൽ ഏജൻസി അധികൃതർ അറിയിച്ചു. ഏജൻസികൾ ക്രെഡിറ്റ് കാർഡുപയോഗിച്ചല്ല ടിക്കറ്റെടുക്കുന്നത്. എന്തായാലും എയർ ഇന്ത്യയുടെ നിർദ്ദേശ പ്രകാരം ക്രെഡിറ്റ് കാർഡ് വഴി വിമാന ടിക്കറ്റെടുത്തവർ ഇക്കാര്യം പ്രത്യേകം ശ്രദ്ധിക്കുക.