ആ സ്ത്രീയുടെ കയ്യും പിടിച്ചാണ് അയ്യാള് നടന്നത്. ആ സ്ത്രീയാണ് ഗുജറാത്തില് വെള്ളമെത്തിക്കുന്നതിന് വര്ഷങ്ങളായി തടസ്സം നില്ക്കുന്നത്. ആ ..സ്ത്രീ .. ആ സ്ത്രീ...
പ്രധാനമന്ത്രി ഒരു അലങ്കാര വസ്തുവല്ല..കെട്ടി എഴുന്നള്ളിക്കാന്
ആ സ്ത്രീയുടെ കയ്യും പിടിച്ചാണ് അയ്യാള് നടന്നത്. ആ സ്ത്രീയാണ് ഗുജറാത്തില് വെള്ളമെത്തിക്കുന്നതിന് വര്ഷങ്ങളായി തടസ്സം നില്ക്കുന്നത്. ആ ..സ്ത്രീ .. ആ സ്ത്രീ... ഈ വാക്കുകള് വന്നത് ഇന്ഡ്യയുടെ പ്രധാന മന്ത്രിയുടെ വായില് നിന്നാണ്. ബിജെപിയുടെ ഇത്തരം ക്രിയാവിശേഷങ്ങള് പറയാനാണെങ്കില് ഒരോ ദിവസവും നൂറുകണക്കിന് മൊഴിയമ്പുകളാണ് വീണു കൊണ്ടിരിക്കുന്നത്. എന്നാലും സംഘികളെ ആ സത്രീയെന്ന് നിങ്ങളുടെ പ്രധാന മന്ത്രി പറഞ്ഞത് ആരെയെന്ന് അറിയുമോ. അവരുടെ പേര് മേധാ പട്കര്. നര്മ്മദ ബച്ചാവോ ആന്ദോളന് എന്ന സംഘടനയുടെ ശില്പി. സ്വന്തം ആശയങ്ങളും അറിവും കൊണ്ട് ലോകത്തിന് മുന്നില് നിറഞ്ഞു നില്ക്കുന്ന മേധാ ദീദി. അവരുടെ പേര് പറയാന് നമ്മുടെ പ്രധാനമന്ത്രി തയ്യാറായില്ലെന്നത് വളരെ മോശമാണ്. ജോലിയും ഗവേഷണവും ഉപേക്ഷിച്ച് പാവങ്ങളുടെ രക്ഷയ്ക്കായി ഇറങ്ങി തിരിച്ച മേധാപട്കറെ നരേന്ദ്ര മോദിക്ക് അങ്ങനെയങ്ങ് മറക്കാന് കഴിയില്ല. സ്വന്തം വിദ്യാഭ്യാസത്തിന്റെ രേഖകളെല്ലാം വ്യാജമായുണ്ടാക്കിയവര്ക്കൊന്നും പള്ളികൂടത്തില് പോയവരെ കണ്ടാലത്രയ്ക്ക് ദഹിക്കില്ല. മേധാപട്കറെ ആക്ഷേപിക്കുന്നത്രയും തരം താഴാന് പ്രിയപ്പെട്ട മോദി നിങ്ങള്ക്കല്ലാതെ മറ്റാര്ക്കും കഴിയില്ല. എന്റെ കക്കൂസും, കുളിമുറിയും , എന്റെ വീടും പദ്ധതികളുടെ വീഡിയോ കണ്ട് ജനം മൂക്കത്ത് വിരല് വെച്ചിരിക്കുമ്പോഴാണ് മോദിയുടെ അടുത്ത നമ്പര് മേധാപട്കറെ ഒന്ന് തോണ്ടി നോക്കി. മേധാ മാഡത്തെ തോണ്ടിയത് വെറുതയല്ല. രാഹുല് ഗാന്ധിയുടെ ജോഡോ യാത്രയില് രാഹുലിനോടൊപ്പം അവരും നടന്നു. അതും ഗുജറാത്തില്. ആ ഗുജറാത്തിന്റെ കാര്യം പറയുന്ന കൂട്ടത്തില് ഒന്നു വിട്ടു പോയി. അവിടെ തിരഞ്ഞെടുപ്പ് നടക്കുകയാണെല്ലോ. ഭരിച്ച് ഭരിച്ച് നിങ്ങള് ജനങ്ങള്ക്ക് ഒരു ഭാരമായി മാറിയിരിക്കുകയാണ്. ആ ഭാരത്തെ ഇറക്കി വെയ്ക്കണമെന്ന് ഗുജറാത്ത് കാര് കാത്തിരിക്കുമ്പോഴാണ് ഇത്തരത്തിലുള്ള തരംതാണ് പ്രസംഗങ്ങള്. മോദി ഇങ്ങനെയാണ് പറയുന്നതെങ്കില് മറ്റുള്ളവരുടെ കാര്യം എന്താകുമെന്ന് ഊഹിക്കാവുന്നതേയുള്ളൂ. മോദിജി അല്പം ഡിസെന്റൊക്കെയാകാം. കേട്ടോ ജനം അത് പ്രതീക്ഷിക്കുന്നുണ്ട്.
ഗുജറാത്തിലെങ്കിലും നിങ്ങള് അല്പം ഉളുപ്പുള്ളവരായിരിക്കുമെന്ന് കരുതി. കാലം മെത്ര ചെന്നാലും പഠിച്ചതല്ലേ പാടു. നാട്ടിന്പുറത്തിന്റെ ഭാഷയില് പറഞ്ഞാല് നായയുടെ വാല് പന്തീരാണ്ട് .. ബാക്കി അറിയാമല്ലോ. ഗുജറാത്തില് എത്ര പ്രതിപക്ഷ എംഎല്എ മാരെയാണ് നിങ്ങള് വിലയ്ക്ക് വാങ്ങിച്ചത്. ആ പട്ടേല് സമുദായത്തെ ഉയര്ത്താന് വന്ന പയ്യനുണ്ടെല്ലോ. ഹാര്ദ്ദിക് പട്ടേല്. അയ്യാളെ കയ്യിലെടുത്ത് പട്ടേലുമാരെ കൂടെ നിറുത്താമെന്ന് നിങ്ങള് ദിവാസ്വപ്നം കാണുന്നതൊക്കെ കൊള്ളാം.
പക്ഷേ പട്ടേലര്മാര് ബിജെപി വേഷം കെട്ടലുകള് നന്നായി അറിയുന്നവരാണ്.
അധികാരം നിങ്ങള്ക്കെന്നും വീക്ക്നസിന്റെ പട്ടികയിലാണ്. ആ വീക്ക്നസ് സാധിച്ചെടുക്കാനായി നിങ്ങള് മോദിയേയും മറ്റ് പലരേയും വേഷം കെട്ടിയ്ക്കും. ആ വേഷങ്ങള് പാളിയാല് നിങ്ങള് പണം കൊടുത്ത് ആളെ ഇറക്കും. അങ്ങനെയല്ലേ പഞ്ചാബിലും, ഹരിയാനയിലും ആപ്പുമായി കുറച്ചു പേര് എത്തിയത്. ആം ആദ്മിയെന്നത് കോണ്ഗ്രസിന്റെ ആപ്പാണെന്ന് ബിജെപിക്കാരെ നിങ്ങള് തെളിയിച്ചു കൊണ്ടിരിക്കുകയാണ്. പഞ്ചാബില് പണി പാളിയത് ആകെ ചമ്മലായി പോയല്ലേ. ഭരണം അവിടെ ആംആദ്മി കെണ്ടു പോയി. ഹിമാചലില്വളരെ സൂക്ഷിച്ചാണ് നിങ്ങളുടെ ബി ടീം ആംആദ്മിയെ ഇറക്കി വിട്ടതെന്ന് എല്ലാവര്ക്കുമറിയാം. ഗുജറാത്തിലും അവെ ഇറക്കിയിട്ടുണ്ട്. ഫളം വരുമ്പോള് അറിയാം. ആപ്പിന്റെ ആപ്പ് കോണ്ഗ്രസിന് മാത്രമാണോ കിട്ടിയതെന്ന്. ഗുജറാത്തിലെ ഗ്രാമപ്രദേശങ്ങളിലൂടെ നെഞ്ചകം തകരുന്ന തരത്തിലാണ് മോദി നിലവിളിക്കുന്നത് താമരയെ സഹായിക്കാന്. മോദിയല്ലാത കൊള്ളാവുന്ന മറ്റൊരു മുഖവും ഇതുവരെ പുറത്തിറക്കാന് കഴിഞ്ഞിട്ടില്ലെന്ന സത്യം നിങ്ങള് തന്നെയാണ് പറയുന്നത്. എന്തായാലും കൂട്ടുകാരെ നിങ്ങള് കത്തിലൂടെയെങ്കിലും മോദിജിയുടെ പി ആര് ഗ്രൂപ്പിനെ അറിയിക്കണം. ഒരല്പം.. അല്പം മാന്യത രാജ്യത്തിന്റെ പ്രധാനമന്ത്രിയില് നിന്നും പ്രതീക്ഷിക്കുന്നു വെന്ന് അപ്പോള് നമോ വാകം.
https://www.facebook.com/Malayalivartha
