ചൈനയിലെ ഹെഫൈ വൈല്‍ഡ് ലൈഫ് പാര്‍ക്ക് മൃഗശാലയില്‍ നിന്നും രക്ഷപെട്ട ചിമ്പാന്‍സിയെ പിടികൂടാന്‍ ശ്രമിച്ച ജീവനക്കാരനെ ചിമ്പാന്‍സി ആക്രമിക്കുന്നതിന്റെ ഞെട്ടിക്കുന്ന ദൃശ്യങ്ങള്‍ പുറത്ത്.

പന്ത്രണ്ട് വയസുള്ള യാംഗ് യാംഗ് എന്ന് പേരുള്ള ചിമ്പാന്‍സിയാണ് ഏറെ നേരം പരിഭ്രാന്തി പരത്തിയത്.

കൂട്ടില്‍ നിന്നും പുറത്ത് കടന്ന ചിമ്പാന്‍സി സന്ദര്‍ശകരെ ആക്രമിക്കുവാന്‍ മുതിര്‍ന്നു. പിടികൂടാനായി ഒരു ജീവനക്കാരന്‍ എത്തിയപ്പോള്‍ ചിമ്പാന്‍സി അയാളെ പൊങ്ങിച്ചാടി തൊഴിച്ച് നിലത്തിട്ടു.

ഏറെ നേരത്തെ പരിശ്രമത്തിനു ശേഷം മയക്കുവെടി വച്ചാണ് ചിമ്പാന്‍സിയെ പിടികൂടിയത്. സംഭവത്തില്‍ സന്ദര്‍ശകര്‍ക്ക് ആര്‍ക്കും പരിക്കേറ്റിട്ടില്ലെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.

സിസിടിവിയില്‍ പതിഞ്ഞ ദൃശ്യങ്ങള്‍ സോഷ്യല്‍മീഡിയയില്‍ വൈറലായി മാറുകയാണ്.