തന്നെ രക്ഷിച്ച് കാട്ടിലേക്ക് അയച്ച രക്ഷകരെ കാണാന്‍ പതിവായി വരുന്ന കാട്ടാന ഇത്തവണ എത്തിയത് ജനിച്ച് മണിക്കൂറുകള്‍ മാത്രം പ്രായമുള്ള കുഞ്ഞാനയുമായി..
കെനിയയിലെ ഷെല്‍ഡ്രിക് വന്യജീവി സംരക്ഷണകേന്ദ്രത്തില്‍ നിന്നുള്ള ഈ ആനക്കഥ ആനക്കഥകളും ആനക്കാര്യങ്ങളും കേള്‍ക്കാന്‍ ഇഷ്ടമുള്ളവരുടെ മനസ് നിറയ്ക്കും. സമൂഹമാധ്യമങ്ങളില്‍ വൈറലാണ് ഈ ആനയുടെ അടങ്ങാത്ത നന്ദി.
തന്നെ വളര്‍ത്തി വലുതാക്കിയ ജീവനക്കാരനെ കാണാന്‍ മാസത്തിലൊരിക്കല്‍ വരാറുള്ള ആന ഇത്തവണ എത്തിയത് ജനിച്ച് മണിക്കൂറുകള്‍ മാത്രം പ്രായമുള്ള തന്റെ കുഞ്ഞുമായിട്ടാണ്.
അഞ്ച് മാസം പ്രായമുള്ളപ്പോഴാണ് അനാഥയായ ലോയിജക് എന്ന കാട്ടാനയെ അധികൃതര്‍ക്ക് ലഭിക്കുന്നത്. പിന്നീട് ഇവിടെയായിരുന്നു ആനയുടെ വളര്‍ച്ച. ഒരു പ്രായം എത്തിയപ്പോഴേക്കും അധികൃതര്‍ ആനയെ കാട്ടിലേക്ക് തന്നെ അയച്ചു. എന്നാല്‍ ഇതിന് ശേഷവും ആന നന്ദി മറന്നില്ല. എല്ലാ മാസവും തന്നെ വളര്‍ത്തി വലുതാക്കിയവരെ കാണാന്‍ എത്തുമായിരുന്നു. ജീവനക്കാര്‍ക്കൊപ്പം സമയം ചെലവഴിച്ച് കാട്ടിലേക്ക് മടങ്ങുകയും ചെയ്യും.
എന്നാല്‍ ഇത്തവണ ജനിച്ച് മണിക്കൂറുകള്‍ മാത്രം പ്രായമുള്ള കുഞ്ഞിനൊപ്പമാണ് ആന എത്തിയത്. പരിപാലകരില്‍ പ്രധാനിയായ ബെഞ്ചമിന്‍ ക്യാലോയെ അടുത്തേക്ക് വിളിച്ച് കുഞ്ഞിനൊടൊപ്പം അല്പസമയം ചിലവഴിക്കാനും അമ്മ ആന അവസരം നല്‍കി. ലിലി എന്നാണ് കുഞ്ഞാനയ്ക്ക് അധികൃതര്‍ പേരു നല്‍കിയിരിക്കുന്നത്.
https://www.facebook.com/Malayalivartha
