റിട്ടയര്മെന്റ് വില്ലയില് കഴിഞ്ഞിരുന്നവര്ക്ക് ഞെട്ടല് സമ്മാനിച്ച ദൃശ്യങ്ങള് വൈറല് !
ഓസ്ടേലിയയിലെ ക്വീന്സ്ലന്ഡിലുള്ള റിട്ടയര് ചെയ്ത് സമാധാനജീവിതം നയിക്കുന്നവരുടെ വില്ലയിലേക്ക് വില്ലനായി അവന് എത്തി. നടുക്കത്തോടെയാണ് അവര് അതു കണ്ടത്.
വീടിന്റെ മുന്വശത്തെ മേല്ക്കൂരയില് നിന്നും ഒരു നെടുനീളന് പാമ്പ് തൂങ്ങിക്കിടക്കുന്നു. നിലത്ത് മുട്ടിക്കിടക്കുന്ന നീളം. വായില് ഒരു ഉടുമ്പുമുണ്ട്. താമസക്കാര് ഞെട്ടി വിറച്ചു. എന്തു ചെയ്യണമെന്നറിയാതെ പകച്ചു നിന്നു.
എന്നാല് വിഷമില്ലാത്ത നിരുപദ്രവകാരിയായ കാര്പെറ്റ് പൈതണ് വിഭാഗത്തില് പെടുന്ന പാമ്പാണ് അതെന്ന് മനസിലായതോടെ എല്ലാവര്ക്കും ആശ്വാസമായി. പിന്നെ ഫോട്ടോയെടുക്കലും ഫേസ്ബുക്കില് പോസ്റ്റു ചെയ്യലുമൊക്കെയായി.
ഓസ്ടേലിയയിലെ ക്വീന്സ്ലന്ഡിലുള്ള വില്ലകളില് ഒന്നിന്റെ മേല്ക്കൂരയിലാണ് വലിയൊരു ഉടുമ്പിനെ വിഴുങ്ങിക്കൊണ്ട് തൂങ്ങിക്കിടക്കുന്ന പാമ്പിനെ കണ്ടെത്തിയത്. തലകീഴായി കിടന്നുകൊണ്ട് തന്നെ ആ ഉടുമ്പിനെ അത് പൂര്ണ്ണമായി അകത്താക്കി.
കാട്ടുതീയെ തുടര്ന്ന് ഓസ്ട്രേലിയില് ഒട്ടേറെ മൃഗങ്ങള് കാട്ടില് നിന്ന് വെള്ളവും ഭക്ഷണവും തേടി ജനവാസമേഖലകളിലേക്കു വന്നുകൊണ്ടിരിക്കുകയാണ്. അങ്ങനെയെത്തിയതാണ് ഈ വിഷരഹിത പാമ്പും എന്നു കരുതുന്നു.
https://www.facebook.com/Malayalivartha