അയര്‍ലന്‍ഡില്‍ ആദ്യ വിഷപ്പാമ്പ് കടി റിപ്പോര്‍ട്ട് ചെയ്തു!
അയര്‍ലന്‍ഡില്‍ നിന്നും ആദ്യ പാമ്പുകടി റിപ്പോര്‍ട്ട് ചെയ്യപ്പെട്ടു. ഇരുപത്തിരണ്ടുകാരനായ യുവാവിനാണു പാമ്പ് കടിയേറ്റത്. ഇയാള്‍ കൊണോല്ലിയിലെ ആശുപത്രിയില്‍ ചികിത്സയിലാണ്. പഫ് അഡ്ഡര്‍ എന്ന ഇനത്തില്‍പ്പെട്ട വിഷപ്പാമ്പാണു യുവാവിനെ കടിച്ചതെന്നാണു സൂചന. ഈ പാമ്പിനെ ഇയാള്‍ വളര്‍ത്തിയിരുന്നതായാണ് റിപ്പോര്‍ട്ട്.
മൊറോക്കോയിലും പടിഞ്ഞാറന്‍ അറേബ്യയുടെ ചില ഭാഗങ്ങളിലും കാണപ്പെടുന്ന മാരക വിഷമുള്ള പാമ്പാണു പഫ് അഡ്ഡര്‍. ഏറ്റവും അക്രമകാരിയും വിഷമുള്ളതുമാണ് ഇത്തരം പാമ്പുകള്‍. മറ്റ് ആഫ്രിക്കന്‍ പാമ്പുകളേക്കാന്‍ ഈ ഇനത്തിനു വിഷമുണ്ട്.
പാമ്പുകളില്ലാത്ത രാജ്യമെന്ന് വിശേഷിപ്പിക്കുന്ന അയര്‍ലന്‍ഡില്‍ ആദ്യമായാണ് ഒരാള്‍ക്ക് ആന്റിവെനത്തിന്റെ ആവശ്യം വന്നതെന്ന് നാഷണല്‍ റെപ്‌റ്റൈല്‍ സൂ ഡയറക്ടര്‍ ജയിംസ് ഹെന്നസി പറഞ്ഞതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
ഭൂമിശാസ്ത്രപരമായ പ്രത്യേകതകള്‍ (ഐസ് ഏജ്) കൊണ്ടാണ് അയര്‍ലന്‍ഡില്‍ പാമ്പുകളില്ലാത്തതെന്നാണ് ശാസ്ത്രം കരുതുന്നത്. എന്നാല്‍ എഡി അഞ്ചാം നൂറ്റാണ്ടില്‍ സെന്റ് പാട്രിക് അയര്‍ലന്‍ഡിലെ പാമ്പുകളെയെല്ലാം സമുദ്രത്തിലേക്കു തുരത്തി എന്നാണു പ്രദേശവാസികളുടെ വിശ്വാസം.
https://www.facebook.com/Malayalivartha
