കോതമംഗലത്ത് കിണറ്റില്‍ വീണ കാട്ടാനക്കുട്ടിയെ കിണര്‍ ഇടിച്ചുനിരത്തി രക്ഷിച്ചു
എറണാകുളം ജില്ലയില്‍ കോതമംഗലത്ത് പൂയംകുട്ടി മണികണ്ഠന്‍ ചാലില്‍ കിണറ്റില്‍ വീണ കുട്ടിക്കൊമ്പനെ വനപാലകര്‍ രക്ഷിച്ചു.
കാടിറങ്ങി നാട്ടിലെത്തിയ ആനക്കൂട്ടത്തിലെ ഒരു വയസ്സു പ്രായം തോന്നിക്കുന്ന കുട്ടിയാനയാണ് കഴിഞ്ഞ ദിവസം രാത്രി തിണ്ണക്കുത്ത് ഭാഗത്തെ കിണറ്റില്‍ വീണത്.
കാട്ടാനക്കുട്ടി കിണറ്റില്‍ വീണതറിഞ്ഞ് ആനക്കൂട്ടം കിണറിനു സമീപം തമ്പടിച്ചിരുന്നു.
ആനക്കുളം സ്റ്റേഷനിലെ വനപാലക സംഘം വിവരം അറിഞ്ഞെത്തിയെങ്കിലും ആനക്കൂട്ടം മാറുന്നതു നോക്കി പുലര്‍ച്ചെ വരെ കാത്തുനില്‍ക്കേണ്ടിവന്നു.
ഇന്നലെ രാവിലെ ഏഴോടെ കിണര്‍ ഇടിച്ചുനിരത്തി ആനക്കുട്ടിയെ കരയ്ക്കു കയറ്റി വിടുകയായിരുന്നു.
കിണറിന് ആഴം കുറവായിരുന്നതിനാല്‍ രക്ഷാപ്രവര്‍ത്തനം എളുപ്പമായി.
ഡപ്യൂട്ടി റേഞ്ച് ഫോറസ്റ്റ് ഓഫിസര്‍ വിജേഷ് ആശാരി, ബീറ്റ് ഫോറസ്റ്റ് ഓഫിസര്‍മാരായ കെ.എം. അനസ്, എ.എസ്. ദീപു, സരിന്‍ രാധാകൃഷ്ണന്‍ എന്നിവര്‍ നേതൃത്വം നല്‍കി.
https://www.facebook.com/Malayalivartha
