പ്രാങ്ക് വീഡിയോ, യൂട്യൂബ് ചാനല് ഉടമ പുലിവാല് പിടിച്ചു!
ജെയ് ടോമി എന്ന് സോഷ്യല് മീഡിയയില് അറിയപ്പെടുന്ന യൂട്യൂബ് ചാനല് ഉടമയാണ് ഇപ്പോള് പുലിവാല് പിടിച്ചിരിക്കുകയാണ്. പ്രാങ്ക് വിഡിയോയ്ക്കായി മില്റ്റണ് ഡൊമിങ്കസ് എന്നയാള് കേക്ക് സിക്കിള് ആണെന്ന് പറഞ്ഞ് സോപ്പുകട്ടയില് ചോക്ലേറ്റ് പുരട്ടി ആളുകള്ക്ക് നല്കുകയായിരുന്നു.
വിഡിയോ ആരംഭിക്കുമ്പോള് ഈ കൊളംബിയന് യൂട്യൂബര്കടയില് നിന്ന് അഞ്ച് സോപ്പുകള് വാങ്ങി വരുന്നത് കാണാം. പിന്നീട് ഈ സോപ്പിലേക്ക് ചോക്ലേറ്റ് ഉരുക്കി തേച്ച് പിടിപ്പിച്ചു. ഇത് ഒരു കോലില് കുത്തി കേക്ക്സിക്കിള് ആണെന്ന് പറഞ്ഞ് ആളുകള്ക്ക് കൊടുക്കുകയായിരുന്നു. പുതിയ ബേക്കറി തുടങ്ങിയെന്നു പറഞ്ഞ് ആദ്യം ഇയാള് ചെന്നത് പ്രായമായ ഒരാളുടെ അടുത്തേക്കാണ്. പിന്നീട് കുട്ടികളുടെ അടുത്തേക്കാണ് ഇയാള് പോയത്. ഒന്ന് കടിച്ച ശേഷമാണ് ആളുകള്ക്ക് ഇത് കേക്ക്സിക്കിള് അല്ലെന്ന് മനസിലാകുന്നത്.
എന്നാല് നിരവധി പേര് വിഡിയോ പുറത്ത് വന്നതോടെ ഇയാളെ വിമര്ശിച്ച് എത്തുകയായിരുന്നു. ഇതോടെ മാപ്പ് പറഞ്ഞ് ഇയാള് രംഗത്തെത്തി. ഇയാള്ക്കൊപ്പം വിഡിയോയില് പ്രത്യക്ഷപ്പെട്ടവരും സോഷ്യല് മീഡിയയിലൂടെ ക്ഷമാപണം നടത്തിയിട്ടുണ്ട്. എന്നാല് ഇയാള് നിയമക്കുരുക്കില് അകപ്പെട്ടിരിക്കുകയാണെന്നാണ് റിപ്പോര്ട്ട്.
https://www.facebook.com/Malayalivartha
