പാക്കിസ്ഥാനെ എറിഞ്ഞുവീഴ്ത്തി ഇന്ത്യൻ പട; ഇന്ത്യയ്ക്ക് 163 റണ്സ് വിജയലക്ഷ്യം
ഹോങ്കോംഗിനെ തകര്ത്തുവിട്ട ആത്മവിശ്വാസവുമായി ഇറങ്ങിയ പാക്കിസ്ഥാനെ ഇന്ത്യന് ബൗളര്മാര് എറിഞ്ഞുവീഴ്ത്തി. ടോസ് നേടി ബാറ്റിംഗിനിറങ്ങി പാക്കിസ്ഥാന് 43.1 ഓവറില് 162 റണ്സിന് ഓള്ഔട്ടായി. ഇന്ത്യന് ബൗളര്മാരുടെയും ഫീല്ഡര്മാരുടെയും മികച്ച പ്രകടനമാണ് പാക്കിസ്ഥാനെ ചെറിയ സ്കോറില് ഒതുക്കിയത്.
ഓപ്പണര്മാരെ മൂന്നു റണ്സെടുക്കുന്നതിനിടെ നഷ്ടപ്പെട്ട പാക്കിസ്ഥാനെ ബാബര് അസം(47), ശുഹൈബ് മാലിക്ക്(43) എന്നിവര് പിടിച്ചുയര്ത്താന് ശ്രമിച്ചെങ്കിലും ഇന്ത്യ പിടിച്ചുകെട്ടി. മൂന്നാം വിക്കറ്റില് ഇരുവരും 82 റണ്സിന്റെ കൂട്ടുകെട്ട് പടുത്തുയര്ത്തിയെങ്കിലും പിന്നീട് എത്തിയവര്ക്ക് കാര്യമായൊന്നും ചെയ്യാന് സാധിച്ചില്ല. പാക് നിരയില് നാലു പേര് മാത്രമാണ് രണ്ടക്കം കണ്ടത്. ഭുവനേശ്വര് കുമാറും കേദാര് ജാദവും മൂന്ന് വിക്കറ്റ് വീതവും ജസ്പ്രീത ബുമ്ര രണ്ടും കുല്ദീപ് യാദവ് ഒരുവിക്കറ്റും വീഴ്ത്തി.
https://www.facebook.com/Malayalivartha