സിംബാബ്‌വെയ്‌ക്കെതിരായ ഒന്നാം ട്വന്റി 20 ക്രിക്കറ്റ് മത്സരത്തില്‍ ദക്ഷിണാഫ്രിക്കയ്ക്ക് 34 റണ്‍സ് ജയം. ദക്ഷിണാഫ്രിക്ക ഉയര്‍ത്തിയ 161 റണ്‍സ് ലക്ഷ്യം പിന്തുടര്‍ന്ന സന്ദര്‍ശകര്‍ക്ക് 126 റണ്‍സ് നേടാനേ കഴിഞ്ഞുള്ളൂ. അഞ്ച് വിക്കറ്റു വീഴ്ത്തിയ ഇമ്രാന്‍ താഹീറാണ് കളിയിലെ താരം.

സ്‌കോര്‍: ദക്ഷിണാഫ്രിക്ക 20 ഓവറില്‍ ആറ് വിക്കറ്റ് നഷ്ടത്തില്‍ 160. സിംബാബ്‌വെ 17.2 ഓവറില്‍ 126 ഓള്‍ഔട്ട്. ടോസ് നേടി ആദ്യം ബാറ്റുചെയ്ത ദക്ഷിണാഫ്രിക്കയ്ക്ക് വേണ്ടി റാസി വാന്‍ ഡെര്‍ ഡൂസെന്‍(56), ഡുപ്ലെസി(34), ഡേവിഡ് മില്ലര്‍(39) എന്നിവര്‍ മികച്ച ബാറ്റിംഗ് പുറത്തെടുത്തു. മറുപടി ബാറ്റിംഗില്‍ പീറ്റര്‍ മൂര്‍(44), ബ്രണ്ടന്‍ മാവുറ്റ!(28) എന്നിവര്‍ പൊരുതിയെങ്കിലും സിംബാബ്‌വെയെ ജയിപ്പിക്കാനായില്ല. മൂന്നു മത്സരങ്ങളുടെ പരമ്പരയിലെ രണ്ടാം ട്വന്റി 20 വെള്ളിയാഴ്ച സെന്‍വെസ് പാര്‍ക്കില്‍ നടക്കും.