ക്ഷമിക്കണം , പാക് താരത്തിന് കൗതുകം ലേശം കൂടുതലാണ് ! പാക് താരം അസര് അലി റണ്ണൗട്ടായ രീതിയെ കുറിച്ച് സോഷ്യല് മീഡിയ
ഓസ്ട്രേലിയയ്ക്കെതിരെ അബുദാബിയില് നടക്കുന്ന ക്രിക്കറ്റ് ടെസ്റ്റില് തികഞ്ഞ അശ്രദ്ധ മൂലം നിര്ണ്ണായക വിക്കറ്റ് നഷ്ടപ്പെടുത്തുന്ന പാക്ക് താരത്തിന്റെ ദൃശ്യങ്ങള് ഇപ്പോള് വൈറലാകുകയാണ്.
പാക്കിസ്ഥാന് താരം അസര് അലി അടിച്ച പന്ത് ബൗണ്ടറി കടന്നു എന്ന ധാരണയില് താരം ക്രീസിന് പുറത്തേക്കിറങ്ങിയ നിന്നപ്പോഴായിരുന്നു പന്ത് ചതിച്ചത്. പാക്കിസ്ഥാന് ഇന്നിങ്സിന്റെ 52-ാം ഓവറിലാണ് സംഭവം.
പീറ്റര് സിഡില് എറിഞ്ഞ പന്ത് അസര് അലിയുടെ ബാറ്റിന്റെ എഡ്ജില് തട്ടി തേര്ഡ് മാനിലേക്ക്. പന്ത് ബൗണ്ടറി എത്തി എന്ന് കരുതി പിച്ചിന്റെ നടുവിലേക്കിറങ്ങിയ അസര് മറുവശത്തുണ്ടായിരുന്ന ആസാദ് ഷെഫീക്കുമായി സംസാരം ആരംഭിച്ചു.
എന്നാല് പന്ത് ബൗണ്ടറിയ്ക്ക് തൊട്ടുമുന്നില് വച്ച് യാത്ര അവസാനിപ്പിച്ചിരുന്നു. പിന്നാലെ ഓടിയെത്തിയ മിച്ചല് സ്റ്റാര്ക്ക് പന്ത് അതിവേഗം ഓസ്ട്രേലിയന് നായകന് കൂടിയായ ടിം പെയ്നിന് കൈമാറി. ഏറെ താമസിക്കാതെ തന്നെ പെയ്ന് ബെയ്ല്സിളക്കി. അസര് അലി പുറത്തായെന്ന് അംപയര് വിധിക്കുകയും ചെയ്തു.
https://www.facebook.com/Malayalivartha
