ഏകദിന പരമ്പരയിലെ മൂന്നാം മത്സരത്തില് വെസ്റ്റ്ഇന്ഡീസിനെതിരേ ടോസ് നേടിയ ഇന്ത്യ ബൗളിംഗ് തെരഞ്ഞെടുത്തു
ഏകദിന പരമ്പരയിലെ മൂന്നാം മത്സരത്തില് വെസ്റ്റ്ഇന്ഡീസിനെതിരേ ടോസ് നേടിയ ഇന്ത്യ ബൗളിംഗ് തെരഞ്ഞെടുത്തു. അഞ്ച് മത്സരങ്ങളുടെ പരന്പരയിലെ ആദ്യ മത്സരം ജയിച്ച് ഇന്ത്യ മുന്നിലാണ്. രണ്ടാം മത്സരം ടൈയില് കലാശിച്ചിരുന്നു. മുന്നിര പേസര്മാരായ ജസ്പ്രീത് ബുംറയും ഭുവനേശ്വര് കുമാറും തിരിച്ചെത്തിയെന്നതാണ് ടീം ഇന്ത്യയുടെ സവിശേഷത. മൂന്നാം പേസറായി ഖലീല് അഹമ്മദും പതിനൊന്നംഗ ടീമില് സ്ഥാനം പിടിച്ചു. ഉമേഷ് യാദവ്, മുഹമ്മദ് ഷമി, രവീന്ദ്ര ജഡേജ എന്നിവര് പുറത്തായി. മൂന്ന് പേസ് ബൗളര്മാരുമായാണ് ഇന്ത്യ ഇന്ന് കളത്തിലിറങ്ങുന്നത്.
മത്സരം ജയിച്ച് പരന്പര സമനിലയിലാക്കാന് ഇറങ്ങുന്ന വിന്ഡീസിന് പ്രശ്നം ബൗളിംഗാണ്. ആദ്യ മത്സരത്തില് മുന്നൂറിലധികം റണ്സ് സ്കോര് ചെയ്തിട്ടും ഇന്ത്യ അനായാസം ലക്ഷ്യം കണ്ടിരുന്നു. രണ്ടാം മത്സരത്തിലും ഇന്ത്യ മുന്നൂറു കടക്കുകയും ചെയ്തു
മോശം ഫോമിലുള്ള സ്പിന്നര് ദേവേന്ദ്ര ബിഷുവിനെ വിന്ഡീസ് ഒഴിവാക്കി. ഫാബിയന് അലീനാണ് പകരം ടീമിലെത്തിയിരിക്കുന്നത്. ഫാബിയന്റെ അരങ്ങേറ്റ മത്സരമാണിത്.
https://www.facebook.com/Malayalivartha