ഇന്ത്യ- വെസ്റ്റ് ഇന്ഡീസ് ഏകദിന ക്രിക്കറ്റിനൊരുങ്ങി തലസ്ഥാനം : കനത്ത സുരക്ഷാ ക്രമീകരണമൊരുക്കി ;1500 പൊലീസുകാരെ നിയോഗിച്ചു
കാര്യവട്ടം സ്പോർട്സ് ഹബ്ബിൽ നവംബർ ഒന്നിനു നടക്കുന്ന ഇന്ത്യ- വെസ്റ്റ് ഇന്ഡീസ് ഏകദിന ക്രിക്കറ്റ് മാച്ചിനോടനുബന്ധിച്ചു വന് സുരക്ഷാക്രമീകരണങ്ങളുമായി സിറ്റി പൊലീസ്. തിരുവനന്തപുരം റേഞ്ച് ഐജി മനോജ് എബ്രഹാമിന്റെ നേതൃത്വത്തില് സിറ്റി പൊലീസ് കമ്മിഷണര് പി.പ്രകാശ് , ഡിസിപി ആര്.ആദിത്യ എന്നിവര് കൂടാതെ എട്ട്- എസ്പി മാര്, 18 -ഡിവൈഎസ്പിമാര്, 60 - സിഐമാര്, 140 - എസ്ഐമാര് ഉള്പ്പടെ 1500 പൊലീസുകാരെ സുരക്ഷയ്ക്കായി നിയോഗിച്ചു. തിരുവനന്തപുരം റേഞ്ചിനു കീഴിലുള്ള, കൊല്ലം സിറ്റി, കൊല്ലം റൂറല്, തിരുവനന്തപുരം റൂറല് എന്നീ സ്ഥലങ്ങളില് നിന്നും പൊലീസ് ഉദ്യോഗസ്ഥരെ ഡ്യൂട്ടിക്കായി നിയോഗിച്ചിട്ടുണ്ട്.
കളി കാണാന് വരുന്നവര് ശ്രദ്ധിക്കേണ്ട കാര്യങ്ങള് : .
∙ കളി കാണാന് വരുന്നവര് ഇ-ടിക്കറ്റിനോടൊപ്പം ഫോട്ടോ പതിച്ച ഐഡി കാര്ഡും കൊണ്ടുവരണം.
∙ പൊലിസ് ഉള്പ്പെടെ ഡ്യൂട്ടി പാസ് ഇല്ലാത്ത ആരെയും സ്റ്റേഡിയത്തിന്റെ പരിസരത്തോ ഉള്ളിലോ പ്രവേശിപ്പിക്കില്ല.
∙ പ്ലാസ്റ്റിക് കുപ്പികള്, മദ്യക്കുപ്പി, വടി, കൊടിതോരണങ്ങള്, കറുത്ത കൊടി, പടക്കങ്ങള്, ബീഡി, സിഗരറ്റ്, തീപ്പെട്ടി തുടങ്ങിയവ പ്രവേശിപ്പിക്കില്ല.
∙ കളി കാണാന് വരുന്നവരുടെ മൊബൈല് ഫോണ് മാത്രമേ പ്രവേശിപ്പിക്കുകയുള്ളൂ.
∙ മദ്യപിച്ചോ മറ്റു ലഹരി ഉപയോഗിച്ചോ എത്തുന്നവരെ ഒരു കാരണവശാലും സ്റ്റേഡിയത്തിനകത്തു പ്രവേശിപ്പിക്കുന്നതല്ല.
∙ ഭക്ഷണസാധനങ്ങളും വെള്ളവും സ്റ്റേഡിയത്തിനുള്ളില് കൊണ്ടു വരുവാന് പാടില്ല. ഭക്ഷണസാധനങ്ങളും വെള്ളവും സ്റ്റേഡിയത്തിനുള്ളില് ലഭിക്കും.
"
https://www.facebook.com/Malayalivartha