ആരാധകരെ ആവേശത്തിലാഴ്ത്തി ഇന്ത്യ- വെസ്റ്റ് ഇന്ഡീസ് ഏകദിന ക്രിക്കറ്റ് പരമ്പരയിലെ അവസാന മത്സരത്തിനായി മിന്നും താരങ്ങൾ തലസ്ഥാന നഗരിയിൽ എത്തി
കാര്യവട്ടം സ്പോർട്സ് ഹബ്ബിൽ നവംബർ ഒന്നിനു നടക്കുന്ന ഇന്ത്യ- വെസ്റ്റ് ഇന്ഡീസ് ഏകദിന ക്രിക്കറ്റ് പരമ്പരയിലെ അവസാന മത്സരത്തിനായി താരങ്ങള് തിരുവനന്തപുരത്ത് എത്തി. ഇന്ന് താരങ്ങള്ക്ക് വിശ്രമമാണ്. നാളെയാണ് പരിശീലനം.
ആരാധകരുടെ ആര്പ്പുവിളികള്ക്കിടയിലും ആരവങ്ങൾക്കിടയിലുമാണ് താരങ്ങളും പരിശീലകരും തിരുവനന്തപുരം വിമാനത്താവളത്തില് എത്തിച്ചേർന്നത്. മുംബയിലെ തകര്പ്പൻ വിജയത്തിനു ശേഷം എത്തിയ താരങ്ങളെ ഒരോരുത്തെരെയും പേരെടുത്ത് ആരാധകര് ജെയ് വിളിച്ച് കൊട്ടിഘോഷിക്കുകയായിരുന്നു വിമാനത്താവളത്തില് എത്തിയ ഓരോ താരത്തിനും റോസാപ്പൂവ് നല്കിയായിരുന്നു ആരാധകർ സ്വീകരിച്ചത്.
കഴിഞ്ഞ മത്സരത്തില് 162 റണ്സ് എടുത്ത രോഹിത് ശര്മ്മ തനിക്ക് ലഭിച്ച പൂവ് പൊലീസ് ഉദ്യോഗസ്ഥന് കൈമാറിയതും ആരാധകരില് വളരെയേറെ കൗതുകമുളവാക്കി. താരങ്ങളെ രണ്ട് ബസ്സുകളിലായാണ് താമസസ്ഥലത്തേയ്ക്ക് കൊണ്ടുപോയത്.
https://www.facebook.com/Malayalivartha