ദീര്‍ഘനാളത്തെ പ്രണയത്തിനു ശേഷം കഴിഞ്ഞ വര്‍ഷം ഡിസംബറിൽ ഇറ്റലിയില്‍ വെച്ചായിരുന്നു ഇന്ത്യന്‍ ക്രിക്കറ്റ് ലോകവും ബോളിവുഡും ഒരുപോലെ ആഘോഷിച്ച കോലി-അനുഷ്‌ക വിവാഹം നടന്നത്. വിവാഹശേഷം ഇരുവരും അവരവരുടെ തിരക്കുകളിലാണ്. കോലിക്ക് ഇപ്പോള്‍ ഇന്ത്യന്‍ ക്യാപ്റ്റനെന്ന ഭാരിച്ച ഉത്തരവാദിത്വം ഉണ്ട്. അനുഷ്‌കയ്ക്കാവട്ടെ വിവാഹത്തിനുശേഷം നാലോളം സിനിമകളിലും അഭിനയിച്ചു.

വിവാഹം കഴിഞ്ഞ് ഒരു വര്‍ഷം പൂര്‍ത്തിയാകാറായെങ്കിലും ഇപ്പോഴും കോലിയുമൊത്ത് ചെലവഴിക്കാന്‍ സമയം കിട്ടാറില്ലെന്ന് തുറന്നു പറഞ്ഞിരിക്കുകയാണ് അനുഷ്‌ക. വീട്ടില്‍ സമയം ചെലവഴിക്കുന്നത് ഇപ്പോള്‍ അവധിക്കാലം ആഘോഷിക്കുന്നതു പോലെയാണ് തോന്നുന്നതെന്നും അനുഷ്‌ക കൂട്ടിച്ചേര്‍ത്തു.

'വിവാഹം കഴിഞ്ഞെന്നു കരുതി തനിക്ക് വലിയ വ്യത്യാസമൊന്നും തോന്നുന്നില്ല. വിരാടും താനും തങ്ങളുടെ ജോലികളിലാണ്. അതുകൊണ്ട് ഒരുമിച്ച്‌ ചെലവഴിക്കാന്‍ സമയം കിട്ടുന്നതു തന്നെ വിരളമാണ്. രണ്ടുപേരും അവരുടേതായ മേഖലകളില്‍ നല്ല തിരക്കിലാണ്. വീടുണ്ടെങ്കിലും പലപ്പോഴും അങ്ങോട്ട് എത്താന്‍ സാധിക്കാറില്ല. ഇപ്പോള്‍ വീട്ടിലേക്കു വരുമ്പോൾ അവധിക്കാലം ആഘോഷിക്കുന്നതു പോലെയാണ് തോന്നാറുള്ളതെന്ന് അനുഷ്‌ക പറഞ്ഞു.