ഇന്ത്യന്‍ ക്രിക്കറ്റ് താരം വിവിഎസ് ലക്ഷ്മണും ഇന്ത്യന്‍ മുന്‍ ക്യാപ്റ്റന്‍ എംഎസ് ധോണിയും തമ്മില്‍ നല്ല അടുപ്പത്തിലായിരുന്നില്ല എന്നായിരുന്നു പുറത്തുവന്നിട്ടുള്ള വാര്‍ത്തകള്‍. വിവിഎസ് ലക്ഷ്മണിന്റെ വിരമിക്കലിനു പിന്നിലും ധോണിയാണെന്നായിരുന്നു മാധ്യമ വാര്‍ത്തകള്‍. എന്നാല്‍ തന്റെ ക്രിക്കറ്റ് കരിയറിലെ ഏക വിവാദത്തിന് തന്റെ ആത്മകഥയിലൂടെ വിശദീകരണം നല്‍കിയതോടെയാണ് വിവാദത്തിന് അവസാനമായത്.

ഇപ്പോഴിതാ ധോണിയെക്കുറിച്ചുള്ള അത്യാപൂര്‍വ വെളിപ്പെടുത്തല്‍ നടത്തിയിരിക്കുകയാണ് '281 ആന്‍ഡ് ബിയോണ്ട്' എന്ന ആത്മകഥയില്‍. 2008 ലെ ഇന്ത്യ ഓസ്‌ട്രേലിയ പരമ്പരയിലാണ് ടീം ക്യാപ്റ്റനായി ധോണി എത്തുന്നത്. അനില്‍ കുംബ്ലെയില്‍ നിന്നും ധോണി ക്യാപ്റ്റന്‍ സ്ഥാനം ഏറ്റെടുത്തതിനു ശേഷം നാഗ്പൂരിലെ ടീം ഹോട്ടലിലേക്ക് താരങ്ങള്‍ സഞ്ചരിച്ച ബസ് ഡ്രൈവ് ചെയ്തത് ധോണി ആയിരുന്നുവെന്നാണ് ലക്ഷ്മണിന്റെ വെളിപ്പെടുത്തല്‍. അന്ന് തന്റെ കണ്ണുകളെ വിശ്വസിക്കാന്‍ സാധിച്ചില്ലെന്നും, ആ ലാളിത്യം തന്നെ ആകര്‍ഷിച്ചുവെന്നും ലക്ഷ്മണ്‍ പറയുന്നു.