രഞ്ജി ട്രോഫി; പശ്ചിമ ബംഗാളിനെ കേരളം ഒന്നാം ഇന്നിംഗ്സില് 147 റണ്സിന് പുറത്താക്കി
രഞ്ജി ട്രോഫി ക്രിക്കറ്റില് പശ്ചിമ ബംഗാളിന് മേല് കേരളത്തിന് മേല്കൈ. ആദ്യം ബാറ്റ് ചെയ്ത ബംഗാളിനെ കേരളം ഒന്നാം ഇന്നിംഗ്സില് 147 റണ്സിന് പുറത്താക്കി. ഒന്നാം ദിനം കളിനിര്ത്തുന്പോള് മറുപടി ബാറ്റിംഗ് തുടങ്ങിയ കേരളം 35/1 എന്ന ഭേദപ്പെട്ട നിലയിലാണ്.
ടോസ് നേടി ബൗളിംഗ് തെരഞ്ഞെടുത്ത കേരളത്തിന്റെ പേസ് ബൗളര്മാര് മിന്നുന്ന ഫോമിലായിരുന്നു. നാല് വിക്കറ്റ് വീഴ്ത്തിയ ബേസില് തന്പിയും രണ്ടു വിക്കറ്റുമായി സന്ദീപ് വാര്യരും മുന്നില് നിന്നും ബൗളിംഗ് പടയെ നയിച്ചു. നിധീഷ് എം.ഡിക്ക് മൂന്ന് വിക്കറ്റ് ലഭിച്ചു. ജലജ് സക്സേന ഒരു വിക്കറ്റ് നേടി.
53 റണ്സ് നേടിയ അനുസ്തൂപ് മജുംദാര് ആണ് ബംഗാളിന്റെ ടോപ്പ് സ്കോറര്. അഭിഷേക് കുമാര് രാമന് 40 റണ്സ് നേടി. ബംഗാള് നിരയില് നാല് ബാറ്റ്സ്മാന്മാര് മാത്രമാണ് രണ്ടക്കം കടന്നത്.
https://www.facebook.com/Malayalivartha