ന്യൂസിലന്‍ഡിനെതിരായ രണ്ടാം ഏകദിനത്തില്‍ ഇന്ത്യക്ക് ബാറ്റിംഗ്. ടോസ് നേടിയ ഇന്ത്യ ബാറ്റിംഗ് തെരഞ്ഞെടുക്കുകയായിരുന്നു. ആദ്യ ഏകദിനത്തിലെ അതേ ടീമിനെ തന്നെയാണ് ഇന്ത്യ നിലനിര്‍ത്തിയിരിക്കുന്നത്. അതേസമയം, ന്യൂസിലന്‍ഡ് ടീമില്‍ രണ്ടു മാറ്റങ്ങള്‍ വരുത്തി. മിച്ചല്‍ സാന്റ്‌നര്‍ക്കും ടിം സൗത്തിക്കും പകരം ഡി ഗ്രാന്‍ഡ്‌ഹോമിനെയും ഇഷ് സോധിയെയും അവസാന പതിനൊന്നില്‍ ഉള്‍പ്പെടുത്തി.
നേപ്പിയറില്‍ നടന്ന ആദ്യ മത്സരത്തില്‍ കിവികളെ കശക്കിയെറിഞ്ഞ ആത്മവിശ്വാസത്തിലാണ് വിരാട് കോഹ്‌ലിയും സംഘവും. ഇന്നും ജയിച്ച് പരന്പരയില്‍ ലീഡ് ഉയര്‍ത്തുകയാണ് ടീം ഇന്ത്യയുടെ ലക്ഷ്യം