ഇന്ത്യന്‍ താരം അമ്പാട്ടി റായിഡുവിനെ സംശയകരമായ ആക്ഷന്‍റെ പേരില്‍ ബൗളിംഗില്‍ നിന്നും ഐസിസി വിലക്കി. ഓസ്ട്രേലിയയ്ക്കെതിരായ ഏകദിന പരമ്പരയിലെ ആദ്യ മത്സരത്തിലാണ് റായിഡുവിന്‍റെ ബൗളിംഗ് ആക്ഷന്‍റെ പേരില്‍ അംപയര്‍മാര്‍ സംശയം പ്രകടിപ്പിച്ച്‌ മാച്ച്‌ റഫറിക്ക് റിപ്പോര്‍ട്ട് ചെയ്തത്. തുടര്‍ന്ന് നടന്ന പരിശോധനയില്‍ റായിഡുവിന്‍റെ ബൗളിംഗ് ആക്ഷന്‍ നിയമപരമല്ലാത്തതിനാല്‍ ഐസിസി വിലക്ക് ഏര്‍പ്പെടുത്തുകയായിരുന്നു.

ഓസ്ട്രേലിയയ്ക്കെതിരേ സിഡ്നിയില്‍ നടന്ന ഏകദിനത്തിലാണ് റായിഡു ബൗള്‍ ചെയ്തത്. മത്സരത്തില്‍ ഇന്ത്യ 34 റണ്‍സിന് തോറ്റിരുന്നു. പാര്‍ട്ട് ടൈം ബൗളറായ റായിഡു സിഡ്നി ഏകദിനത്തില്‍ രണ്ട് ഓവര്‍ മാത്രമാണ് പന്തെറിഞ്ഞത്.