കളിക്കിടെ തലകറങ്ങിയ ഓസീസ് ബൗളര് നാടകീയരംഗങ്ങള്ക്കൊടുവില് കളിക്കളം വിട്ടു
താരങ്ങള്ക്ക് ക്രിക്കറ്റ് കളിക്കിടെ പരുക്കേല്ക്കുന്നത് സാധാരണമാണ്. ചില പരുക്കുകള് താരങ്ങളുടെ കരിയര് തന്നെ ഇല്ലാതാക്കിയെന്നും വരാം. എന്നാല് തല കറക്കം മൂലം ഒരു താരം കളിക്കളം വിടുന്നത് അങ്ങനെ അധികം കേട്ടുപരിചയമില്ലാത്ത സംഗതിയാണ്.
എന്നാല് ബിഗ് ബാഷ് ലീഗില് പെര്ത്ത് സ്കോര്ച്ചേഴ്സും അഡ്ലെയ്ഡ് സ്ട്രൈക്കേഴ്സും തമ്മിലുളള മത്സരത്തില് അപൂര്വ്വങ്ങളില് അപൂര്വ്വമായ ഇത്തരമൊരു സംഭവം നടന്നു.
പെര്ത്ത് സ്കോര്ച്ചേഴ്സിന്റെ ഓസീസ് താരം നഥാന് കോള്ട്ടര് നൈലിനാണ് മത്സരത്തിനിടെ തലകറങ്ങിയത്. തന്റെ അവസാന ഓവറിലെ അഞ്ചാം പന്ത് എറിഞ്ഞതിനു ശേഷം തലകറക്കം മൂലം നഥാന് ഗ്രൗണ്ടില് ഇരിക്കുകയായിരുന്നു.
ഉടന് തന്നെ മറ്റു താരങ്ങള് ഓടിയെത്തുകയും ചെയ്തു. നായകന് മിച്ചല് മാര്ഷ് നഥാനുമായി സംസാരിക്കുകയും അവസാന പന്ത് കൂടി എറിഞ്ഞതിനു ശേഷം കളി മതിയാക്കാന് തീരുമാനിക്കുകയുമായിരുന്നു. അവസാന പന്തില് എതിര്താരം സിക്സ് അടിക്കുകയും ചെയ്തു.
https://www.facebook.com/Malayalivartha