ഇംഗ്ലണ്ട് ലയണ്സിനെ തകര്ത്തെറിഞ്ഞ് ഇന്ത്യ എ ടീം ചതുര്ദിന പരമ്പര സ്വന്തമാക്കി
ഇംഗ്ലണ്ട് ലയണ്സിനെ ഇന്നിംഗ്സിനും 68 റണ്സിനും തകര്ത്ത് ഇന്ത്യ എ ചതുര്ദിന പരന്പര സ്വന്തമാക്കി. രണ്ടു മത്സരങ്ങളുടെ പരന്പരയിലെ ആദ്യ മത്സരം സമനിലയില് കലാശിച്ചിരുന്നു. ഫോളോ ഓണ് ചെയ്ത ഇംഗ്ലണ്ട് ലയണ്സ് രണ്ടാം ഇന്നിംഗ്സില് 180 റണ്സിന് ഓള്ഔട്ടായി. ആദ്യ ഇന്നിംഗ്സില് 144 റണ്സിന് പുറത്തായതിനെ തുടര്ന്നാണ് ലയണ്സിന് ഫോളോ ഓണ് ചെയ്യേണ്ടി വന്നത്. ഇന്ത്യ എ ആദ്യ ഇന്നിംഗ്സില് 392 റണ്സ് നേടിയിരുന്നു.
അഞ്ച് വിക്കറ്റ് വീഴ്ത്തിയ സ്പിന്നര് മായങ്ക് മാര്ക്കണ്ഡെയാണ് ലയണ്സിനെ രണ്ടാം ഇന്നിംഗ്സില് നിലംപരിശാക്കിയത്. ജലജ് സക്സേന രണ്ടു വിക്കറ്റ് വീഴ്ത്തി. 50 റണ്സ് നേടിയ ബെന് ഡക്കറ്റാണ് ഇംഗ്ലീഷ് നിരയിലെ ടോപ്പ് സ്കോറര്. ലൂയിസ് ഗ്രിഗറി 44 റണ്സ് നേടി.
നേരത്തെ അഞ്ച് മത്സരങ്ങളുടെ ഏകദിന പരന്പര 4-1 എന്ന നിലയില് ഇന്ത്യ എ സ്വന്തമാക്കിയിരുന്നു. പരന്പരയിലെ അവസാന മത്സരം മാത്രമാണ് ഇന്ത്യ എ തോറ്റത്.
https://www.facebook.com/Malayalivartha