ഐ പി എല്ലില്‍ അവസാന പന്തുവരെ നീണ്ടുനിന്ന ആവേശപ്പോരില്‍ കിങ്ങ്‌സ് ഇലവന്‍ പഞ്ചാബിനെ തോല്‍പ്പിച്ച് മുംബൈ ഇന്ത്യന്‍സ്. തോല്‍വി ഉറപ്പിച്ച ഘട്ടത്തില്‍ നിന്നും നായകന്‍ കീറണ്‍ പൊള്ളാര്‍ഡ് നടത്തിയ വെടിക്കെട്ട് ബാറ്റിങ്ങാണ് മുംബൈയെ വിജയത്തിലെത്തിച്ചത്. മൂന്നുവിക്കറ്റിനാണ് മുംബൈയുടെ വിജയം.ആദ്യം ബാറ്റ് ചെയ്ത പഞ്ചാബ് 198 റണ്‍സെടുത്തു.
മറുപടി ബാറ്റിങ്ങിനിറങ്ങിയ മുംബൈക്ക് ഒരുഘട്ടത്തില്‍ എട്ടോവറില്‍ 104 റണ്‍സായിരുന്നു വേണ്ടിയിരുന്നത്. ഒടുവില്‍ 31 പന്തില്‍ മൂന്ന് ബൗണ്ടറികളും 10 സിക്‌സറുകളും അടക്കം 83 റണ്‍സ് നേടിയ പൊള്ളാര്‍ഡ് ടീമിനെ വിജയത്തിലെത്തിക്കുകയായിരുന്നു.