ഈ ഇംഗ്ലണ്ടിനെ ഭയക്കണം!
'500 റണ്സ് അടിച്ചാലും ഞങ്ങളത് ചെയ്സ് ചെയ്യും'-പറയുന്നത് ഇംഗ്ലണ്ട് താരം മാര്ക്ക് വുഡ്. ഓവര് കോണ്ഫിഡന്സാണ് എന്ന് തെറ്റിദ്ധരിക്കേണ്ട. ടീമിന്റെ ഇപ്പോഴത്തെ ഫോം വെച്ച് നോക്കുമ്പോള് ഈ പേസ് ബൗളര് പറയുന്നതിലും കാര്യമുണ്ട്. പാക്കിസ്ഥാനെതിരെ കഴിഞ്ഞ നാല് ഏകദിന മത്സരങ്ങളിലായി ഇംഗ്ലണ്ട് ടീം അടിച്ചുകൂട്ടിയത് 1424 റണ്സാണ്. ഐ.സി.സി ക്രിക്കറ്റ് ലോകകപ്പിന് ആതിഥേയത്വം വഹിക്കുന്നത് ഇംഗ്ലണ്ടും. പിന്നെ മറ്റെന്തെങ്കിലും വേണോ ഈ ഇംഗ്ലീഷ് ടീമിന്.
കഴിഞ്ഞ 51 ഏകദിന മത്സരങ്ങളില് നിന്നായി ഇംഗ്ലണ്ട് താരങ്ങള് അടിച്ചുകൂട്ടിയത് 31 സെഞ്ചുറികളാണ്. ഇന്ത്യന് പ്രീമിയര് ലീഗില് തിളങ്ങിയ ജോഫ്ര ആര്ച്ചര്,ടോം കറാന്, ലിയാം ഡൗസണ് എന്നീ പുതുമുഖങ്ങള് ഇംഗ്ലണ്ട് ടീമില് ഇടം നേടി. ഓയിന് മോര്ഗന് നയിക്കുന്ന ഇംഗ്ലണ്ട് ടീമിന്റെ ലോകകപ്പ് മത്സരങ്ങള് മെയ് 30-ന് ഓവലില് ദക്ഷിണാഫ്രിക്കയ്ക്കെതിരെയാണ് തുടക്കമാവുക.
ഇന്ന് പ്രഖ്യാപിച്ച 15 അംഗ ഇംഗ്ലണ്ട് സ്ക്വാഡ്: ഓയിന് മോര്ഗന്(ക്യാപ്റ്റന്), മോയിന് അലി, ജോഫ്ര ആര്ച്ചര്, ജോണി ബെയര്സ്റ്റോവ്, ജോസ് ബട്ട്ലര്, ടോം കറാന്, ലിയാം ഡൗസണ്, ലിയാം പ്ലങ്കറ്റ്, ആദില് റഷീദ്, ജോ റൂട്ട്, ജേസണ് റോയ്, ബെന് സ്റ്റോക്സ്, ജെയിംസ് വിന്സ്, ക്രിസ് വോക്സ്, മാര്ക്ക് വുഡ്.
https://www.facebook.com/Malayalivartha
