ലോകകപ്പിലെ രണ്ടാം മത്സരത്തില്‍ പാക്കിസ്ഥാനെതിരേ ടോസ് നേടിയ വെസ്റ്റ് ഇന്‍ഡീസ് ബൗളിംഗ് തെരഞ്ഞെടുത്തു. വിന്‍ഡീസ് നിരയില്‍ പേസ് ബൗളര്‍ കീമര്‍ റോച്ച് കളിക്കുന്നില്ല. ഓഷെയ്ന്‍ തോമസും ഷെല്‍ഡണ്‍ കോട്രലുമാണ് പേസ് നിരയെ നയിക്കുന്നത്. ഓള്‍റൗണ്ടര്‍മാരായി കാര്‍ലോസ് ബ്രാത് വൈറ്റും ആ്രന്ദേ റസലും അന്തിമ ഇലവനില്‍ സ്ഥാനം നേടി.

വെറ്ററന്‍ താരം ഷൊയ്ബ് മാലിക്കിനെ അന്തിമ ഇലവനില്‍ ഉള്‍പ്പെടുത്താതെയാണ് പാക്കിസ്ഥാന്‍ കളത്തിലിറങ്ങുന്നത്. മുഹമ്മദ് ആമിറും വഹാബ് റിയാസുമാണ് പേസ് പടയെ നയിക്കുന്നത്. ഓള്‍റൗണ്ടറായി മുഹമ്മദ് ഹഫീസ് ടീമിലിടം നേടി.