ലോകകപ്പില്‍ ഇന്ത്യയുടെ ആദ്യ മത്സരം വൈകിയതിനെ കുറിച്ച് പ്രതികരിച്ച് നായകന്‍ വിരാട് കോഹ്‌ലി. ആദ്യ മത്സരത്തിനായി കാത്തിരിക്കേണ്ടിവന്നത് ടീമിന് ഗുണമാകുമെന്ന് നാളത്തെ മത്സരത്തിന് മുന്നോടിയായി നടത്തിയ വാര്‍ത്ത സമ്മേളനത്തില്‍ കോഹ്‌ലി മാധ്യമങ്ങളോട് പറഞ്ഞു. 

ഐപിഎല്‍ ഫോമും ലോകകപ്പ് പ്രകടനവും തമ്മില്‍ ബന്ധമില്ലെന്നും കുല്‍ദീപ് യാദവിനെ പിന്തുണച്ച്‌കൊണ്ട് കോഹ്‌ലി വ്യക്തമാക്കി. ഇന്ത്യ വൈകി മത്സരം കളിക്കുന്നതിനെതിരെ വ്യാപക വിമര്‍ശങ്ങളാണ് ഉയര്‍ന്നത്.

ലോകകപ്പിലെ ഏല്ലാ ടീമുകളും കുറഞ്ഞതും ഒരു മത്സരമെങ്കിലും കളിച്ച സ്ഥാനത്തു ആദ്യ മത്സരത്തിനാണ് ഇന്ത്യ ഇറങ്ങുന്നത്. കളിച്ച രണ്ട് മത്സരങ്ങളും തോറ്റ ദക്ഷിണാഫ്രിക്കയാണ് ഇന്ത്യയുടെ എതിരാളികള്‍. ദക്ഷിണാഫ്രിക്കയുടെ മൂന്നാമത്തെ മത്സരമാണ് ഇന്ത്യക്കെതിരെ നടക്കുക.