പരിശീലനത്തിനിടെ ഡേവിഡ് വാര്ണറുടെ അടിയേറ്റ് ബൗളര്ക്ക് പരിക്ക്
ലോകകപ്പില് ഇന്ത്യ-ഓസ്ട്രേലിയ മത്സരത്തിനു മുന്നോടിയായി നെറ്റ് പരിശീലനത്തിനിടെ ഡേവിഡ് വാര്ണറുടെ അടിയേറ്റ് ബൗളര്ക്ക് പരിക്ക്. നെറ്റില് പന്തെറിയാന് എത്തിയ താരത്തിനാണ് പരിക്കേറ്റത്. വാര്ണര് അടിച്ച പന്ത് അബദ്ധത്തില് ബൗളറുടെ തലയില് കൊള്ളുകയായിരുന്നു.
പരിക്കേറ്റതോടെ ഇയാള്ക്ക് 15 മിനിറ്റോളം ഗ്രൗണ്ടില് ചികിത്സ നല്കി. പിന്നീട് ആശുപത്രിയിലേക്ക് മാറ്റി. ഓസീസ് കോച്ച് ജസ്റ്റിന് ലാംഗറും റിക്കി പോണ്ടിംഗും പരിക്കേറ്റ ബൗളറെ സഹായിക്കാനായി എത്തിയിരുന്നു.
ബൗളര്ക്ക് പരിക്കേറ്റതോടെ വാര്ണര് പരിശീലനം അവസാനിപ്പിച്ച് മടങ്ങി. പിന്നീട് 25 മിനിറ്റിനുശേഷം വാര്ണര് നെറ്റ് പരിശീലത്തിനായി മടങ്ങിയെത്തി. സംഭവത്തില് വാര്ണര് ശരിക്കും കുലുങ്ങിയെന്ന് ആരോണ് ഫിഞ്ച് വാര്ത്താസമ്മേളനത്തില് പറഞ്ഞു. അദ്ദേഹം ഉടന് സുഖം പ്രാപിക്കട്ടെയെന്നും ഫിഞ്ച് കൂട്ടിച്ചേര്ത്തു.
https://www.facebook.com/Malayalivartha